დავით ბაქრაძის საიდუმლო სერობა

ევროპელი დიპლომატები კვლავ მოუწოდებენ საქართველოს ხელისუფლებასა და ოპოზიციას მოლაპარაკებების მაგიდასთან დასხდნენ, მგარამ ქუჩის პროტესტი ისევ არ დაძრულა ადგილიდან. ამჟამად კრიტიკის სამიზნე - პარლამენტის სპიკერი დავით ბაქრაძეა, რომელმაც განაცხადა , რომ მიმდინარეობს მოლაპარაკებები ზოგიერთი ოპოზიციური პარტიების ლიდერებთან.

ევროსაბჭოს გენარალური მდივანი ტერი დევისი ცდილობს დაარწმუნოს ქართველი პოლიტიკოსები, რომ პარლამენტი ყველაზე საუკეთესო ადგილია პრობლემების გადასაწყვეტად, ვიდრე ქუჩა. " საქართველოში ოპოზიციასა და ხელისუფლებას შორის შექმნილი სიტუაცია, მოლაპარაკებების გზით უნდა გადაწყდეს. ყველა საკითხი რომელსაც ოპოზიცია აყენებს, პარლამენტში უნდა გადაწყდეს. მე არ მესმის რატომ თქვეს თავის დროზე ოპოზიციურმა დეპუტატებმა მანდატებზე უარი. არამგონია ქუჩაში რამეზე მოლაპარაკება შეიძლებოდეს. უბრალოდ არ მესმის როგორ შეიძლება ქუჩიდან ოპონირება",- ტერი დევისის ციტირებას ახდენს ქართული მასმედია.

ფრანგი დიპლომატის ეს გამონათქვამები ოპოზიციამ მტრულად მიიღო. ხოლო საქართველოში საფრანგეთის ელჩის ერიკ ფურნეს განცხადების შემდეგ, რომელმაც თქვა, რომ ქვეყნის ხელისუფლებასთან შეხვედრა სასტუმროში ნაცვლად პარლამენტისა, რომელიც ბოლკირებულია საკან-გალიებით, მიუღებელია. ოპოზიციამ დიპკორპუსთან კონტაქტებისთვის, სპეციალური ჯგუფის ფორმირებაც კი გადაწყვიტა. ჯგუფში შევიდნენ ირაკლი ალასანია, ნინო ბურჯანაძე, კახა კუკავა და სალომე ზურაბიშვილი. როგორც Day.az გადმოსცემს, ჯგუფის წევრები სრულ ინფორმაციას მიაწოდებენ დიპლომატიურ კორპუსს აქციის მიმდინარეობისა და ოპოზიციის სამომავლო გეგმების შესახებ. ასევე იმ პროვოკაციების თაობაზე, რომლებიც მათი მომხრეების წინააღმდეგ ხორციელდება.

ოპოზიციის თქმით, პროვოკაციათა ჩამონათვალი დღითიდღე იზრდება. ბრალდებები ზოგჯერ ღიმილსაც იწვევეს: მომიტინგეებისათვის ნასროლი წყლიანი პაკეტი თუ გალია- საკნების დაბომბვა ფეკალურ მაესებიანი პაკეტებით. სასაცილო იქნებოდა, სატირალი რომ არ იყოს. ოპოზიციამ და ხელისუფლებამ ხომ, ერთი ნაბიჯიც ვერ გადადგეს ჯერ ერთმანეთისკენ.

ხელისუფლება ვარაუდობს, რომ ოპოზიციის ყოველი ლიდერის უკან, საზოგადოების ნაწილი დგას. ამიტომაც მთავრობას არ სურს საზოგადოების ამ ნაწილისთვის იმ შეგრძნების განვითარება, რომ ის მარგინალიზებულია და კუთხეში მიმწყვდეული. ეს საერთო ჯამში ცუდი იქნება ქვეყნის პოლიტიკური მდგრადობისთვის. შესაბამისად, ხელისუფლებას სურს თავად შესათავაზოს გამოსავალი ოპოზიციას იმ ჩიხური სიტუაციიდან, რომელშიც ახლა ის იმყოფება. ხელისუფლების წარმომადგენლების განცხადებით, მათ არ შეუძლიათ იმის გათვლა თუ რა მოყვება "საკნების აქციას", რომელსაც არანაირი რეზულტატები არ მოაქვს და რომელიც ამ აქციაში მონაწილე ადამიანების სერიოზულ დისკრედიტაციას იწვევს.

კიდევ უფრო მეტიც, მიხეილ სააკაშვილის თანამებრძოლები ალაპარაკდენენ, უახლოეს მომავალში საქართველოში ნაკლებად რადიკალურად განწყობილი და უფრო კონსტრუქციული ოპოზიციური პარტიების შექმნის შესახებ. როგორც პარლამენტის ვიცე-სპიკერმა გიგი წერეთელმა განაცხადა, ასეთ პარტიებს მმართველი პარტიის ის წარმომადგენლები შექმნიან, რომლებიც არ არიან კმაყოფილნი ხელისუფლების პოლიტიკური კურსით. ამავ დროულად გიგი წერეთელი ვარაუდობს, რომ კონსტრუქციულ ოპოზიციაში ახლანდელი ოპოზიციური სპექტრის ნაწილიც გადავა. ვიცე-სპიკერის აზრით, რადიკალურ ოპოზიციას მომავალი არ აქვს, კონსტრუქციულს კი გაცილებით მეტი მომხრე ეყოლება.

არასაპარლამენტო ოპოზიცია ხელისუფლებაში მყოფი ადამიანების ნებისმიერ ნაბიჯში, ავ ზრახვებს ხედავს. გიგი წერეთლის განცხადებაც არ გახლდათ გამონაკლისი. არც მის უფროსს- დავით ბაქრაძეს აკლებენ კრიტიკას. ამ კვირას ქართული ოპოზიციის ლიდერებმა, პარლამენტის თავმჯდომარეს სიცრუეში დასდეს ბრალი. კვირის დასაწყისში მან განაცხადა, რომ ჰქონდა კონფედენციალური მოლაპარაკებები ოპოზიციის რადიკალურ ნაწილთან, თუმცა ამ მოლაპარაკებების დეტალები მან არ დააკონკრეტა, მისი სიტყვებით " ამას შეუძლია ხელი შეუშალოს პროცესებს".

კოდი დღიური

  Print version