„შერიგების გაკვეთილები“ უკრაინისგან

უკანასკნელი წლის განმავლობაში პირველად განაცხადა საქართველოს ხელისუფლებამ, რუსეთთან ურთიერთობების დარეგულირების აუცილებლობის შესახებ. ადრე ამგვარი რამის მოსმენა, მხოლოდ ოპოზიციონერი ლიდერებისაგან თუ იყო შესაძლებელი. ოფიციალური თბილისი არ გამორიცხავს, უკრაინა გახდეს შუამავალი მოსკოვთან მოლაპარაკებებისას. თუ რამდენად რეალურია ეს ვერსია, არკვევდა GeorgiaTimes-ის კორესპონდენტი.

საქართველოს პრეზიდენტს სურს დაალაგოს ურთიერთობები რუსეთთან. ამის შესახებ მიხეილ სააკაშვილმა ბი-ბი-სი-სათვის მიცემულ ინბტერვიუში განაცხადა.

უცხოელ ჟურნალისტებთან საუბრისას სააკაშვილმა ჰაიდი ტალიავინის მოხსენებასაც გაუკეთა კომენტარი. „ მე კმაყოფილი ვარ ფაქტების დამდგენი კომისიის მოხსენებით, ვინაიდან ის ეთანხმება ყველა იმ ფაქტს, რომლებზედაც ჩვენ შარშანდლიდან მოყოლებული ვლაპარაკობთ. მოხსენებაში მოყვანილი ყველა ფაქტი, სწორია. მასში ნათქვამია, რომ საქართველო მსხვერპლი იყო, ხოლო რუსეთი ემზადებოდა ომისათვის. ის შემოიჭრა ჩვენს ტერიტორიაზე და განახორციელა ეთნიკური წმენდა",- განაცხადა სააკაშვილმა.

„მსხვერპლის განსახიერების" პრინციპი, არაერთხელ დაეხმარა მიხეილ სააკაშვილს, დასავლელი პარტნიორების კეთილგანწყობის მოპოვებაში.

უნდა ვაღიაროთ, ჰაიდი ტალიავინის მოხსენება მრავალ არაერთგავროვან პოსტულატს შეიცავს, რომლებსაც არც თბილისი არ ეთანხმება და არც მოსკოვი. საერთო დასკვნა ასეთია: საქართველო არმიის მიერ სამხრეთ ოსეთის დაცხრილვამ დასაბამი დაუდო კონფლიქტის დაწყებას, რუსეთმა კი „არაპროპორციული ძალა" გამოიყენა.

საქართველოს რადიკალური ოპოზიცია, სააკაშვილის გასამართლების მოთხოვნით გამოდის. თუმცა, ექსპერტები თვლიან, რომ ეს აშკარად არ არის საკმარისი იმისათვის, რათა აიძულონ პრეზიდენტი გადადგეს.

„ხელისუფლებამ შეძლო დაერწმუნებინა საზოგადოება, რომ ტალიავინის კომისიის მოხსენება არაერთგვაროვანია და რუსეთის ბრალზე იქ გაცილებით მეტია ნათქვამი, ვიდრე საქართველოს ხელისუფლების დანაშაულზე",- განუცხადა „კომერსანტს" დამოუკიდებელმა პოლიტოლოგმა დავით ავალიშვილმა.

ახლა მიხეილ ნიკოლაევიჩი, რომელიც ყოველთვის გამოირჩეოდა პიარში განსაკუთრებული მონაცემებით, ცდილობს საკუთარ სიმართლეში დასავლეთიც დაარწმუნოს. ამაში არაფერია გასაოცარი, სწორედ თეთრი სახლის მხარდაჭერაზეა დამოკიდებული მისი პოლიტიკური ბედი.

უჩვეულო, მხოლოდ სააკაშვილის სურვილია დაალაგოს მოსკოვთან ურთიერთობები, სადაც კატეგორიულ უარს აცხადებენ მასთან საუბარზე. ან მიხეილ სააკაშვილმა მოსკოვსა და ვაშინგტონს შორის „გადატვირთვით" განპირობებული ახალი დინებები იგრძნო, ან კიდევ გადაწყვიტა აჯობოს თავის ოპონენტებს, რომლებიც ერთი-მეორის მიყოლებით აცხადებენ გეგმებზე, საქართველოსა და რუსეთს შორის დაარეგულირონ ურთიერთოებები.

რათქმაუნდა ჩვეულ რიტორიკაზე, ასე უცებ სააკაშვილმა უარის თქმა ვერ შეძლო. ბი-ბი-სი-ზე გადაცემაში Hard Talk (მძიმე საუბარი) გამოსვლისას, მან განაცხადა: „საქართველოს სურს დაარეგულიროს ურთიერთობები მოსკოვთან. მიუხედავად იმისა, რომ მოსკოვი ცდილობს ქვეყნის დემოკრატიული გზით არჩეული ხელისუფლება შეცვალოს".

ჟურნალისტის შეკითხვაზე „გაითვალისწინებთ თუ არა თქვენ ჯო ბაიდენის რჩევას? იტყვით ახლავე და აქ „ჩვენ აღარ გვექნება კონფლიქტი სამხრეთ ოსეთთან"? სააკაშვილმა უპასუხა: „საქართველოს ახლა ყველაზე ნაკლებად სჭირდება ომი". და კვლავ ხელიდან არ გაუშვა მომენტი კრემლი ეხსენებინა:"მითუმეტეს აგრესიულ რუსეთთან, რომელმაც სულ ახალხანს მიიღო კანონი საგარეო ინტერვენციის შესახებ". სავარაუდოა, რომ იგულისხმებოდა „რუსეთი ჯარების საზრვარგარეთ გამოყენების კანონი", რომელიც სახელმწიფო დუმამ სექტემბერში მიიღო. დოკუმენტი მნიშვნელოვნად აფართოვებს რუსეთის შეიარაღებული ძალების გამოყენების გეოგრაფიასა და შესაძლებლობებს.

კოდი დღიური

  Print version