პენსიები  საქართველოში კიდევ 5 ლარით  გაიზრდება. თანდათან ხელისუფლებას სისრულეში მოჰყავს თავისი დანაპირები - პენსიების 100 დოლარამდე  გაზრდა. მაგრმ აი უბედურება: სიღარიბესთან ბრძოლის პროგრამის რეალიზაციის განმავლობაში ეს მაჩვენებელი ინფლაციის გამო კვლავ ჩამორჩა საარსებო მინიმუმს. საქართველოს ოპოზიცია თვლის, რომ ეს ხუთლარიანი მატება უბრალოდ "ოპიუმის" ახალი პარტიაა ხალხისთვის.

15 ნოემბრიდან  პენსიონერები 5 ლარით გაზრდილ  პენსიას მიიღებენ. ეს უკვე  მეორე ხუთ ლარიანი მატებაა ამ წელს.

შედარებისტვის, რუსეთში ამ წელს პენსიებმა  უკვე სამჯერ მოიმატა: მარტში, აპრილში და აგვისტოში. პირველი  დეკემბრიდან პენსიის საბაზო ნაწილი მოიმატებს მეოთხედ - 31,5 პროცენტით. პენსიების  საშუალო დონე გადააჭარბებს 272,5 დოლარს, მინიმალური პენსია კი იქნება საარსებო მინიმუმის შესაბამისი - 163 დოლარი.

საქართველოში  კი შრომის, ჯანდაცვის და სოცუზრუნველყოფის სამინისტრო სიხარულით აცხადებს, რომ მინიმალური პენსია გახდება 80 ლარი. ინვალიდებიც შესაბამისი სტატუსით მიიღებენ 80 ლარს, ხოლო ამ სტატუსის არ მქონე შეზღუდული შესაძლებლობის ადამიანები - 70 ლარს.

ჩინოვნიკები პირობას დებენ, რომ შეინარჩუნებენ  სტაჟისმიერ დანამატსაც. მაგრამ შრომის წიგნაკებზე გამოცხადდა, რომ არ არის სავალდებულო  მათი ქონა.

როგორც  სოციალური დაცვის სამინისტრო აცხადებს, ოქტომბერში საქართველოში დარეგისტრირებულია  642 350 პენსიონერი და 108 406 შეზღუდული შესაძლებლობის მქონე ადამიანი. მათ საპენსიო ანაზღაურებაზე  ნოემბერში ბიუჯეტიდან გამოიყო დაახლოებთ 71 მილიონი ლარი.

ნოემბრის  მატება დაგეგმილი იყო ბიუჯეტში ჯერ კიდევ გასულ წელს პროგრამის "ერთიანი საქართველო სიღარიბის გარეშე" ფარგლებში. მის წარმატებაზე საუბრობს ის ფაქტი, რომ ბოლო სამი წლის განმავლობაში საქართველოში პენსია 14-დან 70 ლარამდე გაიზარდა, ედუარდ შევარდნაძის დროს კი საერთოდ არ გაიცემოდა პენსიები.

სხვათა  შორის, ამ პროგრამის ფარგლებში მიხეილ სააკაშვილის მთავრობამ გადაწყვიტა სიღარიბის ზღვარზე მცხოვრები ოჯახების დახმარებაც. წლის დასაწყისისთვის არსებობთა ასეთი 145 000 ოჯახი. მათ დაუწყეს ყოველ წევრზე 30 ლარის გადახდა, ხოლო ყოველ ახალ ოჯახის წევრზე დამატებით 24 ლარის. ასეთი ოჯახებისთვის დახმარების გაზრუს შესახებ ჯერჯერობით ხელისუფლება არაფერს ამბობს.

ამასთანავე, ჯონდი ბაღათურიას გამოთვლებით, ქვეყანაში სიღარიბის ზღვარს მიღმა მილიონზე მეტი ადამიანი ცხოვრობს. სისტემა, რომლითაც ხელისუფლებამ მათგან 400 000 ადამიანი გამოყო, არასრულყოფილია და კორექტირებას საჭიროებს, რადგანაც ხელისუფლების დახმარების გარეშე რჩება კიდევ 600 000 ადამიანი, რომლებსაც აქვთ სამსახურები, მაგრამ მათი შემოსავალი ხელისუფლების მიერ დადგენილ მინიმუმსაც კი ვერ აღწევს, რომელიც რეალობისგან ძალიან შორს დგას.

სამომხმარებლო კალათისა და მისი ღირებულების ისტორია საქართველოში დიდ ყურადღებას იმსახურებს.

მსოფლიო ბანკმა, მაგალითად, წელს გასცა  რეკომენდაცია, რომ საქართველოში საარსებო მინიმუმად დაწესებულიყო 71 ლარი. ხოლო სიღარიბის ზღვარად  კი უცხოელმა ექსპერტებმა 47 ლარი ჩათვალეს.

ამან  აღაშფოთა ქართველი დამოუკიდებელი ეკონომისტები.

ნოდარ ხადურმა მსოფლიო ბანკის გამოთვლებს სასაცილო უწოდა. მოკლედ, ამის ახსნა ადვილია, რადგანაც ჯანდაცვის სამინისტროს  ნოემატივების მიხედვით ქართველს ცხოვრებისთვის დღეში სჭირდება სულ ცოტა - 2 300 კილოკალორია.

ქართველის დღიურ რაციონში, ვარაუდობენ ჩინოვნიკები, უნდა იყოს 40 გრ საქონლის ხორცი, 10 გრ ღორის ხორცი, ნახევარი კვერცხი, 40 გრ სოკო, 20 გრ ყველი, 50 გრ შაქარი, 50 გრ პომიდორი, 20 გრ ლობიო, 10 გრ ბრინჯი, 15 გრ სტაფილო.

Print version