RSS
на русском en in english
29.05.2017
არხივი ანალითიკა
ანალიტიკა

”ფერადი რევოლუციების” უკუსვლა

30.04.2010  |  00:33

5925.jpegუკრაინისა და ყირგიზეთის ოდესღაც პროდასავლური მთავრობების კურსი ახლა შეიცვალა, მეზობლები კვლავ რუსეთისკენ მიტრიალდნენ. რუსეთსა და უკრაინას შორის გაფორმებულ შეთნამხებას შავი ზღვის ფლოტის შესახებ დღემდე განიხილავენ პოლიტიკოსები და ექსპერტები. თუმცა უკრაინისგან სხვა სიურპრიზსაც უნდა ველოდოთ, რომელიც საკმაოდ უსიამოვნო იქნება საქართველოსთვის. ახლახან სტრასბურგში ვიქტორ იანუკოვიჩმა არ გამორიცხა აფხაზეთისა და სამხრეთ ოსეთის აღიარების შესაძლებლობა. მიხეილ სააკაშვილი სპარტანულ სიმშვიდეს ინარჩუნებს და ოკეანის მეორე მხრიდან ახდენს საქართველოს მიღწევების და მოსკოვის შეცდომების დეკლარირებას. ოპოზიცია და ექსპერტები კი წინასწარმეტყველებენ, რომ ქვეყანას მორიგი მძიმე დრო ელის.

დასავლელი პოლიტიკოსები და ექსპერტები აცხადებენ - რუსეთი დაკარგულ პოზიციებს იბრუნებს. "პრორუსულმა ხელმძღვანელებმა უამრავი კარგი დაპირება მიიღეს მედვედევისა და პუტინის მხრიდან: კრემლი სრული სვლით სარგებლობს ამერიკისა და ევროკავშირის უყურადღებობით და ცდილობს თავისი გავლენა გაავრცელოს კიევზე",- წერს ბრიტანული მასმედია. უკრაინისა და რუსეთის ახლანდელი პარტნიორული ურთიერთობები შეიძლება კიდევ უფრო შორს წავიდეს.

მართალია, იანუკოვიჩს ცალსახად არ უთქვამს, რომ აღიარებს აფხაზეთსა და სამხრეთ ოსეთს, თუმცა მრავალმნიშვნელოვნად აღნიშნა - არაფერია გამორიცხულიო. სხვანაირად როგორ შეიძლება შევაფასოთ ეს განცხადება?

ოფიციალურმა თბილისმა ვერ შენიშნა მოსალოდნელი ცუდი ამბავი. აღსანიშნავია, რომ ჯერჯერობით კომენტარებისგან თავს იკავებენ ენაწყლიანი ქართველი პოლიტიკოსები. მხოლოდ მიხეილ სააკაშვილი, რომელიც აგერ უკვე 20 დღეა ამერიკაში იმყოფება, დაიღვარა პიარ-გამოსვლით. "რუსეთმა ვერ შეაჩერა საქართველოს განვითარება და ჩვენ ვაგრძელებთ წინსვლას".

მაგრამ როგორ მოექცევიან უკრაინას, რომელიც იუშჩენკოს პრეზიდენტობის დროს საქართველოს მთავარი პარტნიორი იყო? უნდა ვივარაუდოთ, რომ უკრაინის ახალ ხელისუფლებასთან შუამავლის მისია იკისრა საქართველოს სახელმწიფო მინისტრამ ევროატლანტიკური ინტეგრაციის საკითხებში გიორგი ბარამიძემ. ის დღეს გაემგზავრა კიევში საერთაშორისო ფორუმზე ევროპა-უკრაინა. როგორც ქართული პრესა იუწყება, ფორუმის ფარგლებში საქართველოს ვიცე-პრემიერი გამოვა სიტყვით და შეეხება რეგიონული უსაფრთხოების საკითხებს, აღმოსავლეთის პარტნიორობას და რეგიონულ თანამშრომლობას. ბარამიძემ დაგეგმა შეხვედრები უმაღლესი რადის ევროატლანტიკური კომიტეტის თავმჯდომარესთან ბორის ტარასიუკთან, უკრაინის პირველ პრეზიდენტთან ანატოლი კრავჩუკთან და უკრაინის ყოფილ პრეზიდენტთან ლეონიდ კუჩმასთან. არაფერს ამბობენ უკრაინის ახალ პრეზიდენტთან შეხვედრის შესახებ.

თუმცა, ოფიციალურ თბილისს არაერთხელ განუცხადებია, რომ ქვეყნებს შორის მეგობრულ ურთიერთობაში არაფერი შეიცვლება ახალი ხელისუფლების მოსვლის შემდეგ. მოახერხებენ კი ქართველი პოლიტიკოსები ახალი რეალიების გათვალისწინებით ახალ ადმინისტრაციასთან ურთიერთობების დალაგებას? მოხერხდება თუ არა აფხაზეთის და სამხრეთ ოსეთის საკითხში თუნდაც ნეიტრალიტეტის შენარჩუნება? ნებისმიერ შემთხვევაში ეს მოლაპარაკების გადასაწყვეტია. პოლიტიკა შესაძლებობის და შეუძლებლობის ხელოვნებაა. ამიტომაც იანუკოვიჩის გამოსვლის შემდეგ ექსპერტები საქართველოს რთულ დროს უწინასწარმეტყველებენ.

მამუკა არეშიძემ ასეთი კომენტარი გააკეთა: "უკრაინის პრეზიდენტი აფხაზეთისა და სამხრეთ ოსეთის აღიარების საკითხს პირველ რიგში ევროპასთან სავაჭროდ გამოიყენებს. თუმცა, თუკი რუსეთს შეუძლია უკრაინის ხელისუფლების თანხმობიდ მოპოვება ამ საკითში, მაშინ ამას ძალიან დიდი შედეგები მოყვება". მან გამოთქვა იმედი, რომ ეს ყველაფერი მხოლოდ ვაჭორბის საგანი გახდება ევროპასთან. პოზიცია კი შესამჩნდევად გამოცოცხლდა. ის კვლავაც იმუქრება ყირგიზული სცენარით. თუკი ადრე საქართველოში ახალი რევოლუციის მოხდენის შანსები თითქმილ ნული იყო, ახლა ოპოზიციას კიდევ ერთი კოზირი მოუვა უკრაინის მიერ ახალი რესპუბლიკების აღიარების შემთხვევაში.

1
 2
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100