RSS
на русском en in english
24.03.2017
არხივი ანალითიკა
ანალიტიკა

სააკაშვილის გუნდს კიდევ ერთი დიპლომატი გამოაკლდა

06.02.2009  |  15:10

5/6/8/1568.jpegეუთოში საქართველოს ელჩმა ვიქტორ დოლიძემ, 4 თებერვალს გადადგომის შესახებ განცხადება დაწერა. სააკაშვილის გუნდი გაღატაკებას განაგრძობს, ხოლო კარგი პროფესიული გამოცდილების მქონე ახალგაზრდა ინტელექტუალები ოპოზიციონერთა რიგებს ავსებენ.

ისევე როგორც მისმა მეგობარმა და თანამებრძოლმა, გაეროში საქართველოს ყოფილმა ელჩმა ირაკლი ალასანიამ, დოლიძემაც პირობა დადო მომდევნო კვირის დასაწყისში, თბილისსში დაბრუნებისთანავე, მოყვეს იმ მოტივებზე, რომლებმაც უბიძგა ამ გადაწყვეტილების მიღებისკენ.

დოლიძის მიერ სახელმწიფო სამსახურზე უარის თქმა - პრინციპში მოსალოდნელი იყო. ქართული მედია, იანვრის დასაწყისიდანვე წერდა, რომ დოლიძე დატოვებს დიპლომატიურ სამსახურს და სააკაშვილის მთავარი მოწინააღმდეგის - ალასანიას გუნდში გადავა, ამ ყველაფერს კი მხოლოდ დღეები დასჭირდება.

ამასობაში, ქართული საგარეო პოლიტიკის უწყებისათვის, დოლიძის წასვლა მაინც არასასიამოვნო მოულოდნელობა გახდა. როგორც ქართული საინფორმაციო სააგენტოები იუწყებიან, საგარეო საქმეთა მინისტრი გრიგოლ ვაშაძე არ მალავს სინანულს: "მე ვცდილობდი გადამეფიქრებინა გადადგომა ვიქტორ დოლიძისათვის, მაგრამ ამაოდ. ის, ამის შესახებ შუამდგომლობას მთხოვდა პრეზიდენტთან. ჩვენ მშვენივრად ვმუშაობდით ერთად, მაგრამ ნებისმიერ ადამიანს აქვს უფლება გადაწყვიტოს თავისი ბედი", - ციტირებას აკეთებს სააგენტო Day.az.

საგარეო საქმეთა მინისტრის გულწრფელობამ ნებით თუ უნებლიედ გაიჟღერა არა სააკაშვილის სასარგებლოდ. რადგანაც, სულ ახლახანს, 23 იანვარს, ხალხისადმი პირდაპირი ტელე ეთერით მიმართვისას მან განაცხადა: "ჩემმა ყოფილმა თანამოაზრეებმა თავისი ნების გარეშე დატოვეს თანამდებობები. "არც ერთი ყოფილი თანამოაზრე არ წასულა თანამდებობიდან თავისი ნებით. ისინი ყველანი გათავისუფლებულნი იყვნენ დაკავებული თანამდებობებიდან". მაშინ, პრეზიდენტისგან პირდაპირ ეთერში ასეთ ღია ტყუილზე, მრავალრიცხოვანი ოპოზიციონერებიდან, მხოლოდ ერთმა მოახდინა რეაგირება, სწორედ ყოფილმა თამაოაზრემ, პარლამენტის ექს-სპიკერმა, ამჯამად პარტია "დემოკრატიული მოძრაობის" ლიდერმა ნინო ბურჯანაძემ. "პრეზიდენტს დაავიწყდა კონსტიტუცია და არ ახსოვს, რომ მიუხედავად იმისა, რომ ის ქვეყნის მეთაურია, მას არ აქვს უფლება მოხსნას თანამდებობიდან პარლამენტის თავმჯდომარე", - აღნიშნა ბურჯანაძემ.

დანარჩენმა "ყოფილებმა" არ ჩათვალეს საჭიროდ გაემახვილებინათ საზოგადოების ყურადღება - მათი აზრით, როგორც ჩანს, - ქვეყნის მეთაურის არც თუ ისე აღმაშფოთებელ ტყუილზე. ყველანი ისინი, მათ შორის ექს-პრემიერი ზურაბ ნოღაიდელი, საგარეო საქმეთა ექს-მინისტრი სალომე ზურაბიშვილი, თავდაცვის ექს-მინისტრი ირაკლი ოქრუაშვილი, გაეროში ყოფილი ელჩი ირაკლი ალასანია, უბრალოდ უფრო მეტად დაჟინებით განაგრძობდნენ სააკაშვილის გადადგომის მოთხოვნას.

დოლიძის წასვლა კი მორიგი დარტყმა გახდა, ხელისუფლების დასუსტებული პოზიციისათვის. საგარეო საქმეთა მინისტრის ზემოთ ნახსენები კომენტარის შემდეგ, პრეზიდენტი უკვე ვეღარ შეძლებს ამტკიცოს, რომ დოლიძეც მან გადააყენა.

1
 2
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100