სამხედროთა ბუნტი თბილისთან ახლოს თუ შ.ს.ს-ს მორიგი ინსცენირება?

მუხროვანის სამხედრო ბაზაზე განლაგებულმა, სატანკო ბატალიონის სამხედრო მოსამსახურეებმა ბუნტი ატეხეს. ამის შესახებ 5 მაისს განცხადება გააკეთა საქართველოს თავდაცვის მინისტრმა დავით სიხარულიძემ. საქართველოს შ.ს.ს-მ კი, ამ დროისათვის ვიდეო მასალა გაავრცელა, რომელიც ადასტურებს თითქოს და ბუნტის ორგანიზებაში რუსეთის გარკვეული ძალების მონაწილეობას.

უკანასკნელი მონაცემებით სამხედრო პოლიციამ ალყა შემოარტყა მუხროვანის სამხედრო ბაზას, გვატყობინებს რია ნოვოსტი, საქართველოს შ.ს.ს-ს ადმინისტრაციის უფროსის შოთა ხიზანიშვილის სიტყვებზე დაყრდნობით. "ადგილზე საქართველოს შ.ს.ს-ს წარმომადგენლები არ არიან, პერიმეტრს სამხედრო პოლიცია აკონტროლებს",- განაცხადა ხიზანიშვილმა. სამხედრო ბაზა თბილისიდან 30 კილომეტრშია განლაგებული. შემთხვევის ადგილზე ჟურნალისტებს არ უშვებენ, ისინი ბაზიდან რამდენიმე კილომეტრის დაცილებით იმყოფებიან.

რა არის პრობლემის არსი? "რუსთავი-2"-ის ეთერში გაჟღერებული, საქართველოს თავდაცვის მინისტრის დავით სიხარულიძის ტელეშეტყობინების თანახმად, სატანკო ბატალიონი აბუნტდა. თუმცა, სამხედრო შეთქმულების გახსნის შესახებ შ.ს,ს-ს განცხადებამდე ერთი საათით ადრე, ამ ბატალიონის მეთაურმა მამუკა გორგიშვილმა განცხადება გააკეთა, რომ სამხედროები არ ჩაერევიან ქვეყანაში შექმნილ გამწვავებულ პოლიტიკურ სიტუაციაში, გვატყობინებს "ინტერფაქსი". გორგიშვილის სიტყვებით, "შეუძლებელია მშვიდად უყურო ქვეყნის ნგრევის პროცესს, განვითარებულ წინააღმდეგობას, მაგრამ ჩვენი სატანკო ნაწილის მხრიდან, არანაირი აგრესიული ქმედება არ მოხდება. ჩვენ ყაზარმულ მდგომარეობაში ვართ და აქედან არსად წასვლას არ ვაპირებთ". ეს სიტყვები აფსულუტურად ეწინააღმდეგება ბრალდებებს, რომლებიც ერთ საათში უწყვეტ ნაკადად წამოვიდა მუხროვანის სატანკო ბატალიონის სამხედროების წინააღმდეგ. საქართველოს შ.ს,ს-ს ანალიტიკური სამსახურის უფროსმა შოთა უტიაშვილმა ჟურნალისტებს თბილისში შეატყობინა, რომ საქართველოს შინაგან საქმეთა სამინისტრომ გახსნა სამხედრო მოსამსახურეთა, უშუალოდ რუსეთთან დაკავშირებული შეთქმულება.

"საქართველოს სხვადასხვა სამხედრო ნაწილებში მზადდებოდა სამხედრო ბუნტი. ჩვენი ინფორმაციით, მისი ორგანიზატორები არიან მაღალჩინოსანი სამხედროები. როგორც ჩანს ეს გეგმა ორგანიზებული იყო რუსეთიდან და მიზნად ისახავდა ნატოს სამხედრო სწავლებების ჩაშლას საქართველოში".- თქვა მან. შ.ს.ს-მ ასევე გააკეთა შეტყობინება, რომ დაკავებულია გია ღვალაძე, რომელიც 90-იან წლებში სპც-რაზმ "ალტა"-ს ხელმძღვანელობდა. ძებნაშია გამოცხადებული კობა ოთარაძე, რომელსაც ადრე ჰქონდა შეხება არეულობებთან მუხროვანის ნაწილში. გამოძიება ასევე განიხილავს კიდევ ორი ადამიანის მონაწილეობას, ბიუნტის ორგანიზებაში. პოლიციელი ჩინოვნიკების აზრით, სამხედროთა შორის მღელვარების მიზანი, როგორც მინიმუმ, საქართველოში დაგეგმილი ნატოს მრავალნაციონალური სწავლებების ჩაშლა იყო, მაქსიმუმი კი,- სამხედრო გადატრიალების მოწყობა.

კოდი დღიური

  Print version