უკრაინული სიურპრიზები მეგობრული საქართველოსთვის

საქართველო და უკრაინა ფერადმა რევოლუციებმა დაამეგობრა. თანაც ნარინჯისფერი უკრაინა და ვარდისფერი საქართველო ბალტიისპირა ქვეყნებთან ერთად რუსეთის წინააღმდეგ დაირზამნენ. აგვისტოს მოვლენების გამო კიევს უკვე მოუწია მოსკოვთან მორიგი დაძაბულობის გადალახვა. მიუხედავად უკრაინის ახლანდელი პროდასავლური კურსისა, თბილისისა და კიევის ურთიერთობები თავისუფლად შეიძლება შევიდეს ახალ ფაზაში. ვიქტორ იანუკოვიჩის ხელისუფლების ექს-მინისტრმა, რეგიონთა პარტიის ფრაქციის წარმომადგენელმა, ანატოლი ტოლსტოუხოვმა განაცხადა, რომ საპრეზიდენტო არჩევნების შემდეგ უკრაინამ შეიძლება აფხაზეთისა და სამხრეთ ოსეთის დმაოუკიდებლობა აღიაროს. ტიმოშენკოს ბლოკის წარმომადგენელი სამხრეთ ოსეთს დახმარებას პირდება. ახლახან კი გაგრძელება ჰპოვა სკანდალმა, რომელიც დაკავშირებულია უკრაინული სპეციალისტების მონაწილეობასთან აგვისტოს ომში.

უკრაინის გენერალურმა პროკურატურამ დაადასტურა, რომ უკრაინელი სპეციალისტები 2008 წლის აგვისტოში საქართველოს ომის დროს ეხმარებოდნენ. ოფიციალური წყაროები ჯერჯერობით ყველაფერს უარყოფენ.

უკრაინის გენერალური პროკურატუტის მოადგულე რენატ კუზმინი მხოლოდ იმას ადასტურებს, რომ ამ საკითხის შემოწმება მოხდა. მისი რეზულტატების შესახებ კი არაფერს ამბობს. უკრაინის უსაფრთხოების სამსახურის პრეს-მდივანი მარინა ოსტაპენკო აცხადებს, რომ ცნობა უკრაინის მოქალაქეების აგვისტოს ომში მონაწილეობის შესახებ რელობას არ შეესაბამება.

თუმცა ნარინჯისფერ კიევში თბილისისთვის არც თუ ისე სასიამოვნო ფრაზები გაისმა. ანატოლი ტოლსტოუხოვმა განაცხადა, რომ საპრეზიდენტო არჩევნების შემდეგ უკრაინამ შეიძლება აფხაზეთისა და სამხრეთ ოსეთის დამოუკიდებლობა აღიაროს.

მანამდე საერთაშორისო ბლოკადა რუსეთისა და ნიკარაგუას მიერ ორი ახალი რესპუბლიკის აღიარების საკითხში დაარღვია ვენესუელამ. 10 სექტემბერს ჰუგო ჩავესმა კავკასიური რესპუბლიკების აღიარების შესახებ განაცხადა. თბილისში კი ამბობდნენ, რომ ვენესუელამ ეს რუსეთისგან კრედიტების მისაღებად გააკეთა.

ამასთანავე, საქართველოს ხელისუფლება არ გამორიცხავს, რომ მსგავსი ნაბიჯი კიდევ სხვა ქვეყნებმაც გადადგან. ევროინტეგრაციის საპარლამენტო კომიტეტის თავმჯდომარემ დავით დარჩიაშვილა განაცხადა, რომ "არსებობს რამდენიმე მსოფლიო ლიდერი, რომლებიც საერთაშორისო სამართალს არ ემორჩილებიან".

მისი თქმით, აფხაზეთი და სამხრეთ ოსეთი შეიძლება ჩრდილოეთ კორეამ აღიაროს. დარჩიაშვილმა ასევე აღნიშნა, რომ საქართველოს საგარეო საქმეთა სამინისტრო ყველაფერს აკეთებს იმისთვის, რომ არ დაუშვას უცხო ქვეყნების მიერ ამ ორი რესპუბლიკის აღიარება.

თუმცა უკრაინისგან ტერიტორიული მთლიანობის არ აღიარებას არავინ ელოდა.

მოკლედ, უახლოეს მომავალში, მოვლენების ასეთი განვითარება, უდავოდ, ნაკლებ სარწმუნოა.

კოდი დღიური

  Print version