გუშინ ჩატარდა ჰელოუინი. ეს მართლმადიდებლობისთვის  უცხო დღესასქაული ახლა გზას იკვლევს საქართველოში. მართლმადიდებელი  საზოგადოება და საპატრიარქო  მსგავსი სიახლეების წინააღმდეგ გამოდიან. რა ზეიმია ეს და რატომ მოიძებნა მისი თაყვანისმცემლები საქართველოში?

"თქვენ  ხომ იცით, ვინ არის ჩვენი  მეგობარი. ჩვენი მეგობარი ამერიკაა. იქ კი აღნიშნავემ ჰელოუინს და ჩვენს უნდა ვიზეიმოთ",- განუცხადა მოსწავლეებს  ერთ-ერთი სკოლის დირექტორმა. ინგლისური ენის პედაგოგმა კი ბავშვებს დაურიგა ლექსები და სიმღერები ჰელოუინზე და დაიწყო მათი მზადება ზეიმისთვის.

ამის  შესახებ გაიგო "მართლმადიდებელ  მშობელთა კავშირმა". მისი წარმომადგენლები  ჰელოუინამდე ერთი კვირით ადრე ყველა სკოლაში მივიდნენ თბილისში და ბავშვებს და მშობლებს დაურიგეს ბროშურები. ამ ბროშურებში საუბარი იყო, რომ ჰელოუინი არ არის ტრადიცული ქრისტიანული დღესასწაუილი და მას სატანისტები აღნიშნავენ. მოყვანილი იყო მაგალითები, როდესაც ჰელოუინის აღნიშვნის შემდეგ ზოგ ქრისტიანულ ოჯახში უბედური შემთხვევები მოხდა. 

სკოლები არ გამოეხმაურნენ ამ აგიტაციას და აგრძელებდნენ ჰელოუინისთვის მზადებას. გულდასმით სწავლობდნენ ლექსებს და სიმღერებს, დგამდნენ სცენებს.

ჰელოუინის ჩატარებამდე რამდენიმე  დღით ადრე ჩარევა საპატრიარქომ გადაწყვიტა. მან გაავრცელა  სპეციალური განცხადება, რომელშიც საუბარი იყო, რომ მრავალსაუკუნოვანი ქრისტიანული კულტურის მქონე ერისთვის მიუღებელია ამ დღესასწაულის აღნიშვნა და ეს უღირსი საქციელია.

საპატრიარქომ  გააკეთა ექსკურსი ჰელოუინის  ისტორიაში და განაცხადა, რომ ეს არის ძველი კელტების წარმართული დღესასწაული და მისი წარმოშობა დაკავშრებულია ინგლისის, ირლანსიის და ჩრდილოეთ საფრანგეთის ძველ მოსახლეობასთან. ჰელოუინი  აღინიშენება 31 ოქტომბრის ღამეს, იმიტომ რომ ამ რეს კელტები აღნიშნავდნენ ახალი წლის დადგომას.

მათი  რწმენის თანახმად, 1 ნოემბერს იწყებოდა სიცივის, უკუნეთის და სიკვდილის დრო და კელტები ამ დღეს ადიდებდნენ სიკვდილისა და სიბნელის წარმართულ ღმერთს შამჰაინს. ახალი წლის წინა ღამეს სინი აქრობდნენ ყველა ცეცხლს, მეორე დღის საღამოს კი ანთებდნენ დიდ კოცონს და აწყობდნენ მსხვერპლთშეწირვას. ამ დღეს ტრადიციისამებრ ყველა იცვამდა ჯადოქრებისა და ბოროტი სულების კოსტიუმებს, ბავშვები კი დადიოდნენ კარდაკარ და აგროვებდნენ საჩუქრებსა და ტკბილეულს, ხოლო მათ, ვინც უარს ამბობდა ჩუქებაზე, რაიმე ოინს უწყობდნენ.

საპატრიარქო ხაზს უსვამს, რომ ჰელოუინის  აღნიშვნა ნიშნავს წარმართობაში დაბრუნებას და ცეცხლთაყვანისმცემლობის აღიარებას.

ჰელოუნთან ბრძოლა მღვდლებმა ჯერ კიდევ  ადრეული ქრისტიანობის ეპოქაში  დაიწყეს და ქრისტიანობისადმი მტრულად განწყობილი წარმართები ამ დღეს განზრახ შეურაცხყოფდნენ ქრისტიანულ სიწმინდეებს.

Print version