RSS
на русском en in english
27.05.2017
არხივი სტატიები
სტატიები

ოპოზიცია ამერიკული მხარდაჭერის მოლოდინშია

19.11.2009  |  11:05

4613.jpegქართული ოპოზიციის ლიდერებს, რომლებიც გამუდმებით აცხადებენ მოსკოვთან დიალოგსი აღდგენის აუცილებლობაზე, მთავარი იმედები მაინც ვაშინგტონთან აკავშირებთ. საეჭვოა მათ შორის მოიძებნოს ვინმეს, რომელიც არ წავიდოდა სახელმწიფო დეპარტამენტში კონსულტაციებისთვის. მიუხედავად პოლიტიკურად მშვიდი შემოდგომისა, ოპოზიციონერები უტევენ ამერიკელ მეგობრებს სააკაშვილზე გავლენის მოხდენის თხოვნით.გაიგებენ თუ არა ამერიკაში ქართველი პოლიტიკოსების თხოვნებს?

დღეს ვაშინგტონში ერთ კვირიანი ვიზიტით გაემგზავრა სალომე ზურაბიშვილი. ის აპირებს იმ ნაბიჯების განხილვას, რომლების გადადგმაც შეუძლია ამერიკას საქართველოში მასმედიის თავისუფლების მხარდასაჭერად, ქვეყანაში შიდაპოლიტიკური სიტუაციის გასაჯანსაღებლად, ასევე საუბარს იმ საფრთხეზე, რომელიც შეიძლება შეიქმნას კავკასიაში ქართული ხელისუფლების მიერ დაშვებული შეცდომების შედეგად.

ჯერჯერობით რთული სათქმელია ვაშინგტონში მისცემენ თუ არა სააკაშვილს შენიშვნას. გასულ კვირას სალომე ზურაბიშვილმა ქართული ხელისუფლება რუსეთთან გამუდმებულ კონფრონტაციაში.

მისი თქმით, ქართულმა ხელისუფლებამ ჩრდილოელ მეზობელთან დაპირისპირების ახალი სტრატეგია მოიფიქრა. "შედგა რამდენიმე დახურული სხდომა იმის შესახებ, თუ როგორ აქფორიაქებინათ სიტუაცია ჩრდილოეთ კავკასიაში",- თქვან მან. "ამ სტრატეგიის ნაწილი არის კავკასიური ტელეარხის შექმნა და საუბრები პანკისის ხეობაზე",- ხაზი გაუსვა ზურაბიშვილმა.

ქალბატონმა სალომემ პირობა დადო, რომ ამ საქმის კურსში ამერიკასაც ჩააყენებდა, რათა "მან შეაჩეროს საქართველოს ხელისუფლება, რომელიც ყოველდღე აღიზიანებს რუსეთს, თუნდაც ვერბალური პროვოკაციებით". სალომე ზურაბიშვილმა აღნიშნა, რომ საქართველოს ახლანდელ ხელისუფლებას სჭირდება მუდმივი კონფრონტაცია რუსეთთან, რათა შეინარჩუნოს ძალაუფლება.

სანამ სალომე ზურაბიშვილი ბოინგით გადაუფრენდა ოკეანეს, მისი კოლეგები თბიისში აწარმოებდნენ მოლაპარაკებებს ამერიკის სახელმწიფო დეპარტამენტის წარმომადგენლებთან.

ეს უკანასკნელებიც საკმაოდ ხშირად დადიან თბილისში. მათ ან ძალიან მოეწონათ ეს მართლაც ლამაზი ქალაქი, ან მოეწონათ ცხარე ქართული სამზარეულო, ან, იქნებ, უბრალოდ სასარგებლოს სასიამოვნოსთან ათავსებენ: ტკბებიან სილამაზით და თან ექსპერიმენტის მიმდინარეობასაც აკვირდებიან - როგორც ვითარდება "დემოკრატია" კავკასიაში.

თუკი ვარდების რევოლუციის პირველ წლებში საქართველო დემოკრატიის შუქურა იყო, ექვსი წლის შემდეგ მსოფლიოს ისღა დარჩენია ითვალოს ამ ქვეყანაში ან მის გამო მომხდარი გაუგებრობები.

ასე თუ ისე, სწორედ საერთაშორისო საზოგადოებაზე და უფრო მეტად ამერიკაზე ამყარებენ ქართველი პოლიტიკოსები იმედებს. თანაც პოზიციაც და ოპოზიციაც.

1
 2 3
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100