შსს-ს ახალი ფანდი: ცრუ მოწმეები

მიხეილ სააკაშვილის სასწაულმმოქმედ მანქანას - პოლიციის სახით, რომელმაც მასობრივი კორუფცია მოცელა საქართველოში, მეტი შესაძლებლობებიც გააჩნია. მაგრამ, ეს სულაც არ არის სიახლე. პლასტიკურმა ტყვიებმა ოპოზიციის წინააღმდეგ, ნარკოტიკების ჩადებამ, უნებლიე დაცხრილვამ სპეცოპერაციისას, დიდი ხანია დააამტკიცეს შსს-ს ერთგულება „სამართლებრივი სახელმწიფოს" იდეალებისადმი. ახლა ყოველივე ზემოთ ჩამოთვლილს, ოპონენტებთან გასასწორებლად, მოწმეების მოსყიდვაც დაემატა.

ცოტნე გამსახურდიას საქმე, ტრაგიკომიკურ შეფრეილობას იძენს. ერთის მხრივ, მკვლელობის მცდელობაში ბრალდებული საქართველოს პირევლი პრეზიდენტის შვილი, შიმშილობას აგრძელებს და უკვე ჰოსპიტალიზირებულია ჯანმრთელობის მდგომარეობის გამო. მეორეს მხრივ, დღეს გაირკვა, რომ დაზარალებულმა დავით ბაჯელიძემ ვერც კი შეამჩნია, რომ მას ესროლეს.

გამსახურდიას ადვოკატმა ქეთი ბექაურმა, ამ გასაოცარი ჩვენებების შესახებ დღევანდელ სპეციალურ ბრიფინგზე გააკეთა განცხადება.

ალბათ ღირს აღვნიშნოთ, რომ გამოძიება არ ჩქარობდა დაზარალებულის დაკითხვას, მიუხედავად ამ საქმის გარშემო საზოგადოებრივი რეზონანსისა. ასე რომ, დაცვამ ეს უფრო ადრე მოახერხა. ბაჯელიძის ჩვენება იმის შესახებ, რომ მისთვის არავის უსროლია, ნოტარიულადაა დამტკიცებული და ხელმოწერილია მის მიერ.

„ჩვენი მონაცემებით, გამომძიებელმა 3 დეკემბერს დაკითხა ბაჯელიძე და ჩვენ დარწმუნებულები ვართ, რომ მან ისეთივე ჩვენება მისცა მათ, როგორიც ჩვენ. მიღებულ ჩვენებებს ჩვენ გადავცემთ გამოძიებას დღესვე და მოივითხოვთ დახურული იქნას საქმე".

კიდევ უფრო საინტერესო დეტალი გამოაშკარავდა, როდესაც ადვოკტმა საქმის ერთადერთი მოწმე, რაისა საიდოვა მოინახულა. ის ადრე ირწმუნებოდა, რომ ნახა თუ როგორ გამოვიდა ცოტნე გასახურდია საკუთარის სახლიდან -„კოლხური კოშკიდან" და დავით ბაჯელიძის სახლისკენ გაემართა.

„რაისა საიდოვას არანაირად არ შეეძლო საკუთარი ეზოდან, ამის დანახვა, ვინაიდან მისი მდებარეობა, ამის საშუალებას არ იძლევა. ამას გარდა, მას მხედველობისა და სმენის პრობლემები აქვს",- განაცხადა ბექაურმა. ასე რომ, მოწმის ჩვენება სიცრუეა.

ვისი თხოვნით დასდო საიდოვამ, ცოტნე გამსახურდიას ბრალი, ჯერჯერობით უცნობია. 2007 წლიდან, ხელისუფლება გამსახურდიას რუსეთის სპეცსამსახურებთან თანამშრომლობაში სდებდა ბრალს.

7 ნოემბრის საპროტესტო აქციიის სისხლიანი დარბევის შემდეგ, გამოქვეყნებული იქნა ცოტნეს სატელეფონო საუბრები, ოპოზიციის ლიდერებთან და რუს დიპლომატ ივან ვილიკინთან. სტენოგრამიდან გამოდინარეობდა, რომ გასახურდიას, პრეზიდენტ მიხეილ სააკაშვილის რეჟიმის დამხობა სურდა. მაგრამ, მაშინ ოპოზიციონერის ციხეში ჩასმა, ვერ მოხერხდა.

მისი დედა მანანა არჩვაძე-გამსახურდია ამტკიცებს, რომ ხელისუფლება საბაბს ეძებდა და როგორც იქნა მოიგონა, თუ როგორ შეეთითხნათ მისი შვილის წინააღმდეგ საქმე.

კოდი დღიური

  Print version