RSS
на русском en in english
19.01.2017
არხივი სტატიები
სტატიები

ჯაშუში მეზობლად

29.03.2010  |  22:06

5679.jpegჩრდილო-კავკასიის სამხედრო საოლქო სასამართლომ, გუშინ საქართველოს მოქალაქე ზაზა ხერკელაძე და ორი რუსი სამხედრო მოსამსახურე ხვიჩა იმერლიშვილი და მარლენ ბოგდანოვი დამნაშავეებად აღიარა და საქართველოს სასარგებლოდ ჯაშუშობაში დასდო ბრალი. მათ შესაბამისად 11, 13 და 15 წლით თავისუფლების აღკვეთა მიესაჯათ. გამოძიების მონაცემებით, ეს ადამიანები საქართველოს სპეცსამსახურებთან თანამშრომლობდნენ - ეხმარებოდნენ მათ რუსულ სამხედრო ობიექტებსა და სამხედრო მოსამსახურეების შესახებ ინფორმაციის შეგროვებაში.

ახლახანს დასრულებული გამოძიება, რუსეთის ტერიტორიაზე საქართველოს სასარგებლოდ ჯაშუშობის შესახებ - ხუთდღიანი ომის შემდეგ, ქართველი მზვერავების გამოაშკარავების პირველი შემთხვევა როდია. შარშან რუსეთის ფედერალური უსაფრთხოების სამსახურმა გამოაშკარავა დაზვერვის თანამშრომლის მამუკა მაისურაძის მოღვაწეობა. ხელმძღვანელობის დავალებით მაისურაძე 2007 წელს ჩავიდა ქალაქ სოჭში უკრაინის მოქალაქის დოკუმენტებით და შემუსავებული ლეგენდით კერძო მეწარმეობით დაკავდა. მაისურაძემ 2008 წელს საქართველოს დაზვერვის ფულით ინტერნეტ-კაფე გახსნა სოჭში, რაც კავშირის საშუალებად გამოიყენებოდა უცხო ქვეყნის სპეც-სამსახურებთან. მამუკა მაისურაძის მოვალეობებში შედიოდა სოჭის 2014 წლის ზამთრის ოლიმპიადის ჩატარების სამზადისის შესახებ ინფორმაციის შეგროვება.

მოგვიანებით საქართველოს სასარგებლოდ ჯაშუშობისათვის, ცხრა წლით თავისუფლების აღკვეათა მიესაჯა ჩრდილო-კავკასიის სამხედრო ოლქის საბრძოლო რაზმის მეთაურ ჯემალ ნაკაიძეს, იტყობინება „ინტერფაქსი".

ახლანდელი საქმე, რომლის შედეგადაც ბრალდებულებს 7-დან 15-წლამდე პატიმრობა მიესაჯათ, ჯერ კიდევ 2008 წლის ბოლოს გაიხსნა. მაშინ რუსეთის ფედერალური უსაფრთხოების სამსახურმა, რუსეთის ტერიტორიაზე ქართული სპეცსამსახურების აგენტურული ქსელის ნეიტრალიზება მოახდინა, რომელიც 48 საკადრო თანამშრომლის და 101 უცხოური სპეცსამსახურების აგენტისგან შედგებოდა, რომელთა შორისაც 76 უცხოელი და 25 რუსეთის ფედერაციის მოქალაქე იყო. მათ ერთერთი ორგანიზატორიც დააპატიმრეს - საქართველოს საგარეო დაზვერვის სპეც-სამსახურის სამმართველოს უფროსის მოადგილე ზაზა ხერკელაძე.

შესაბამისად „სახელმწიფოს ღალატის" მუხლით აღძრული იქნა სისხლის სამართლის სამქეები რუსეთის მოქალაქეების ბოგდანოვის, იმერლიშვილის, კუშაშვილის, ხაჩიძის და ხაჩიროვის წინააღმდეგ, რომელბიც რუსეთის სამხედრო ობიექტებისა, სამხედრო მოსამსახურეების, სამართალდამცავი ორგანოების თანამშრომლებისა და რუსეთის სპეც-სამსახურებზე ინფორმაციის შეგროვებით იყვნენ დაკავებული. ასევე დაინტერესებულნი იყვნენ სახელისუფლებო ორგანოების და მმართველობის წარმომადგენლებით.

ყაზბეგის რაიონში დაბადებული 55 წლის ბადრი კუშაშვილი, რუსეთის მოქალაქე იყო და საქართველოს საგარეო დაზვერვის დავალებით წლის განმავლობაში მოანცემებს აგროვებდა ჩრდილო კავკასიის ტერიტორიაზე რუსუსლი სამხედრო ობიექტების შესახებ. გასული წლის დეკემბერში მას 8 წლით თავისუფლების აღკვეთა მიესაჯა, მკაცრი რეჟიმის კოლონიაში.

1
 2
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100