RSS
на русском en in english
19.10.2017
არხივი სტატიები
სტატიები

პოლიტიკა, როგორც ნაციონალური ჰობი

12.04.2010  |  10:39

5782.jpegადგილობრივი არჩევნების დრო ულმობლად ახლოვდება. საქართველოს წინასაარჩევნო ციებცხელება აქვს. ისეთი შთაბეჭდილება იქმნება, რომ ამ მზიან ქვეყანაში, რომელიც სტუმართმოყვარეობითაა განთქმული, ამჟამად ყველა პოლიტიკითაა დაკავებული. ტელეწამყვანი ინგა გრიგოლიას კვალდაკვალ, რომელმაც გადაწყვიტა მონაწილეობა მიიღოს და გაიმარჯვოს საკრებულოს თავმჯდომარის არჩევნებში, ახლა პოლიტიკაში წასვლის სურვილი ფეხბურთელმა კახა კალაძემაც გამოთქვა. მაგრამ, საზოგადოების ტოტალური პოლიტიზაცია კარგს არაფერს უქადის ქვეყანას. რადგან ოპოზიცია ვერ გაერთიანდა, საქართველოში ადგილობრივ არჩევნებში მონაწილეობას მიიღებს 36 პარტია, სახელსიუფლებო პარტია უკვე აცხადებს, რომ ოპოზიციას არჩევნებში გამარჯვების არანაირი შანსი არ აქვს.

საზოგადოების პოლიტიზაციამ იმდენად მაღალ ნიშნულს მიაღწია, რომ ჟურნალისტები, სპორტსმენები და ხელოვანი ინტელიგენცია პოლიტიკაში ჩათრეულნი აღმოჩნდნენ. შარშანდელი საპროტესტო აქციებისას ხელოვნების მოღვაწეები აქტიურ მონაწილეობას იღებდნენ მიტინგებში და საზოგადოება გააოცეს კიდეც თეატრალიზებული მანიფესტაციებით და იმპროვიზირებული გალია-საკნებით. თუმცა, ამგვარმა მიდგომამაც ვერანაირი შედეგი ვერ გამოიღო.

დიდ იმედებს ამყარებდნენ ახლანდელ არჩევნებზეც. მაგრამ, ვინაიდან მრავალი თვის განმავლობაში (სამართლიანი იქნება თუ კი ვიტყვით, რომ მრავალი წლის განმავლობაშიც - ავტორი.)ოპოზიციამ ვერაფრით ვერ შეძლო გაერთიანება და ურთიერთ შეთანხმების მიღწევა, ექსპერტები უკანასკნელი რამდენიმე თვის განმავლობაში ხელისუფლების ოპონენტებს მორიგ დამარცხებას უწინასწარმეტყველებენ. მაგალითად, „ალიანსი საქართველოსთვის ლიდერს ირაკლი ალასანიას, სოციოლოგიური კომპანიის IRI-ის მონაცემებით, დღესდღეისობით 11 პროცენტი აქვს რეიტინგი, როდესაც რამოდენიმე თვის წინ მისი მხარდაჭერის რეიტინგი 15 პროცენტს აღემატებოდა. ამჟამინდელი მერის გიგი უგულავას რეიტინგი კი, რომელსაც არჩევნებზე სახელსიუფლებო პარტია უჭერს მხარს, 46 პროცენტს შეადგენს.

სახელისუფლებო პარტია არ ფარავს იმას, რომ გამარჯვებაში დარწმუნებულია. საქართველოს შინაგან საქმეთა მინისტრი ვანო მერაბიშვილი თვლის, რომ ოპოზიციას არ აქვს ადგილობრივი თვითმმართველობის არჩევნებში გამარჯვების შანსები. ამის შესახებ განცხადება მან რუსულ გაზეთ „კომერსანტისთვის" მიცემულ ინტერვიუში გააკეთა. მისი სიტყვებით, მმართველ პარტიას ბევრად უფრო მაღალი რეიტინგი აქვს, შესაბამისად ოპოზიციას არ აქვს გამარჯვების შანსები. „თბილისში ჩვენ 64 პროცენტი გვიჭერს მხარს. მსოფლიოში ძალიან ცოტა ქვეყანა თუ მოიძებნება სადაც მმართველ პარტიას დედაქალაქში ესოდენ დიდი მხარდაჭერა აქვს. ეს მხოლოდ იმიტომ არ ხდება, რომ ჩვენ ასეთი კარგები ვართ, არამედ იმიტომაც, რომ ოპოზიციამ საკუთარი ჭეშმარიტი სახე წარმოაჩინა".- განაცხადა მერაბიშვილმა.

1
 2 3
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100