საკანდიდატო მინიმუმი

საქართველოში, სრული სვლით მიმდინარეობს თბილისის მერის წინასაარჩევნო პროცესი. ოპოზიცია და ხელისუფლების წარმომადგენლები აქტიურად ეწევიან მოსახლეობის აგიტაციას და ამისათვის ყველა საშუალებას იყენებენ. მაგრამ, ქართველი პოლიტ-ტექნოლოგები პირველებსაც აკრიტიკებენ და უკანასკნელებსაც. რა შანსები აქვს ყოველ მათგანს?

საქართველოს თვითმმართველობის ორგანოების არჩევნებამდე, ერთ თვეზე ნაკლები დარჩა. ოთხშაბათიდან საქართველოს პარლამენტი, მუშაობის წინასაარჩევნო რეჟიმზე გადავა. უმაღლესი საკანონმდებლო ორგანოს თავმჯდომარის დავით ბაქრაძის თქმით, მაისის განმავლობაში პარლამენტში მხოლოდ კომიტეტებისა და საპარლამენტო ჯგუფების სხდომები ჩატარდება, იტყობინება რია-ნოვოსტი.

ამასობაში კი, მერობის კანდიდატები აქტიურად ჩაერთნენ წინასაარჩევნო რბოლაში.

საქართველოს დედაქალაქის მმოქმედი მერი გიგი უგულავა, რომლსაც ამ პოსტის შენარჩუნების დიდი სურვილი აქვს, თბილისის მაცხოვრებლებს ახალ სამუშაო ადგილებს ჰპირდება. „გასაკეთებელი კიდევ ბევრია"- ასეთია მისი სლოგანი. უგულავა ხაზგასმით აღნიშნავს, რომ არჩევნებში გამარჯვების შემთხვევაში, მისი ერთერთი მთავარი ამოცანა მცირე წარმოებათა მხარდაჭერა იქნება.

„ჩვენ ყველაფერი უნდა გავაკეთოთ, რომ მეწარმეებს არანაირი პრობლემები აღარ შეექმნათ,- ამ დღეებში განაცხადა მან.- ამის მიზეზი - მოუქნელი, ცუდი კანონმდებლობა, ბიუროკრატია და კორუფციაა. რასთან ბრძოლასაც ვაპირებ მე". იმის გარდა, რომ ადგილობრივი ხელისუფლება ადამიანებს არ შეუშლის ხელს მუშაობაში, უგულავამ პირობა დადო გააგრძელოს თბილისში ახალი გზების, ხიდების მშენებლობა, ძველი ქალაქის აღორძინება და ასევე დედაქალაქში სტაბილური და უსაფრთხო ატმოსფერო შექმნას.

თავის მხრივ, პარტია „ალიანსი საქართველოსგან" თბილისის მერობის კანდიდატი ირაკლი ალასანია ამომრჩევლებს რესპუბლიკის „შეცვლას" სთავაზობს. „ჩვენ მოვალთ, მოვალთ აუცილებლად",- ნათქავამია მისი ვიდეოკლიპისთვის დართულ სიმღერაში. როგორც ცნობილია, ალასანიამ ცსკ-ოში საკუთარი კანდიდატურა, ამისთვის დათქმული ვადის უკანასკნელ დღეს დაარეგისტრირა - 30 აპრილს, შესაბამისი განცხადება ცენტრალურ საარჩევნო კომიტეტში ალიანსის საარჩევნო სიის პირველმა ნომერმა თინათინ ხიდაშელმა შეიტანა, მასთან ერთად კი ზურაბ აბაშიშძემ და მამუკა კაციტაძემ.

რაც შეეხება ქრისტიან-დემოკრატიული პარტიის წარმომადგენელ გია ჭანტურიას, ის საკუთარი წინასაარჩევნო კამპანიის წარმოებისას პირობას იძლევა, რომ მოქალაქეთა დანახარჯების ეკონომიას ტარიფების დაწევის ხარჯზე მოახდენს. „შესაბამისად, ბიზნესი გაფართოებას შეძლებს, შეიქმნება ახალი სამუშაო ადგილები და მეტი ადამიანი დასაქმდება".- ამბობს კანდიდატი.

ყველაზე აგრესიულად, ექსპერტებმა ნაციონალური საბჭოს კანდიდატის ზვიად ძიძიგურის სლოგანი აღიარეს, რომელიც წინასაარჩევნო კლიპში აცხადებს:"ჩვენ არ შევურიგდებით უსამართლობას, ვიბრძოლებთ უკანასკნელ წვეთამდე და გავიმარჯვებთ".

კოდი დღიური

  Print version