ფალსიფიკაციებისთვის მზადება

საქართველოს მთავრობს ძლიერ სურს იმის ჩვენება, რომ ადგილობრივი თვითმმართველობის ორგანოების არჩევნები აფსოლუტურად დემოკრატიულ პირობებში ჩატარდება. საჩვენებელი პატიოსნების დასამტკიცებლად, რაღაც ეთიკის კოდექსს აწერენ ხელს, რომლის დარღვევასაც არანაირი სანქცია ან სასჯელი არ მოსდევს. ტელევიზიით პრემიერის ვიდეორგოლი ტრიალებს, რომელიც არჩევნების ყველა არკეთილსინდისიერ მონაწილეს ემუქრება. ამავდროულად, ეუთოს დამკვირვებლებმა უკვე მმართველი პარტიის მხრიდან, ოპონენტთა უფლებების შეზღუდვის უამრავი ფაქტი დააფიქსირეს, ოპოზიცია კი ფალსიფიკაციისა და აგიტაციის მეთოდების სულ ახალ-ახალ ფაქტებს ააშკარავებს.

მთავრობის ახალი ფიარ-სვლა: საქართველოს პრემიერ-მინისტრი ნიკა გილაური, საათში ერთხელ სამი მთავარი ტელეარხის ეთერით მიმართავს საქართველოს მოსახლეობას, მოწოდებით - უზრუნველყონ სამართლიანი არჩევნები. ამით მთავრობა ცდილობს აჩვენოს, რომ არ დაუშვებს სახელმწიფო ჩინოვნიკების მხრიდან ზეწოლის მცდელობებს. ყოველ შემთხვევაში ჟურნალისტებს, ასე განუმარტა ამ ტელეპროდუქტის დანიშნულება პრემიერ-მინისტრის პრეს-მდივანმა ნიკო მჭედლიშვილმა.

ვიდეორგოლში გილაური დწვრილებით ჩამოთვლის იმ ქმედბებს, რისთვისაც დაისჯებიან ჩინოვნიკები. დასჯად ქმედებებს შორისაა: ოპოზიციონერების მიმართ კანდიდატურის მოხსნის მოთხოვნა, ამომრჩეველთა მოსყიდვის მცდელობა, გადამოწმების მუქარა თუ ვინ ვის მისცა ხმა, უფროსების მხრიდან ზეწოლა თანამშრომლებზე, პატიმარი ახლობლების გათავისუფლების დაპირებები და ხმის მიცემის რეზულტატების ფალსიფიკაცია.

ყოველივე ეს მართლაც უნდა აღიკვეთოს ხელისუფლების მხრიდან, იდეალურად დემოკრატიულ ქვეყანაში. ამის გარანტირება კი, კანონმა უნდა მოახდინოს და არა მაღალი თანამდებობის მოქნე ჩინოვნიკის პირადმა დაპირებებმა. თანაც როგორ შეიძლება ამ ვიდეორგოლის ნდობა, თუ კი ფაქტები სულ სხვა რამეზე მეტყველებენ.

ახლახან, ეუთოს დამკვირვებლებმა მეორე წინასაარჩევნო მოხსენება გამოაქვეყნეს, რომელშიც უკვე მეორედაა აღნიშნული წინასაარჩევნო რბოლის დროს ჩადენილი დარღვევები. მისია საერთო ჯამში სიტუაციას მშვიდს უწოდებს, მაგრამ ამომრჩევლების და პოლიტიკოსების სკეპტიციზმს აღნიშნავს, იტყობინება Civil Georgia.

არჩევნების სამართლიანობაში დაეჭვების საფუძველს, ისეთი პრეცედენტები იძლევა, რომლებიც მოხსენებაშია აღნიშნული, ასეთებია: სამსახურიდან გათავისუფლების მუქარა ვინც არ ეთანხმება მმართველი პარტიის კურსს, სახელმწიფო ჩინოვნიკების მხრიდან აგიტაცია სამსახურეობრივი მოვალეობის შესრულების საბაბით, ადმინისტრაციული რესურსებით არათანაბარი სარგებლობა.

მოხსენებაში, მაგალითის სახითაა მოყვანილი სამეგრელო -ზემო სვანეთი რეგიონის გუბერნატორი ზაზა გოროზია, რომლის გუნდიც ზეწოლას ახდენს პარტია „თავისუფლების" კანდიდატებზე, რათა მათ უარი განაცხადონ მესტიაში არჩევნებში მონაწილეობაზე.

კოდი დღიური

  Print version