RSS
на русском en in english
24.10.2017
არხივი სტატიები
სტატიები

რუსეთი ხელახლა ქმნის ჰაერსაწინააღმდეგო ფარს თავისთვის და პარტნიორებისთვის

13.02.2009  |  12:21

6/3/9/1639.jpegრუსეთი განაგრძობს თავისი პოზიციების გამყარებას სამხრეთ კავკასიასა და შუა აზიაში. ამერიკული სამხედრო ბაზის ყირგიზეთის აეროპორტ მანასიდან გამოძევების და ოპერატიული რეაგირების კოლექტიური ძალების შექმნის შემდეგ, რუსეთის ფედერაციის სამხედრო-საჰაერო ძალებმა გამოაცხადეს, რომ აპირებენ აღადგინონ დსთ-ს ქვეყნების ჰაერსაწინააღმდეგო თავდაცვის გაერთიანებული სისტემა, რომელიც დღეს, მხოლოდ ქაღალდზე არსებობს.

ასევე ჩატარდება სამხედრო-საჰაერო ძალების მოდერნიზაცია და ოპტიმიზაცია,- განუცხადა ჟურნალისტებს გუშინ, 10 თებერვალს, რუსეთის სამხედრო-საჰაერო ძალების მთავარსარდალმა, გენერალ-პოლკოვნიკმა ალექსანდრ ზელინმა. მან პირდაპირ დაუკავშირა ეს ქმედბები, მსოფლიოში მოსალოდნელი ახალი სამშვიდობო ოპერაციების აუცილებლობას, მშვიდობის იძულების მიზნით.

ავიაცია შეასრულებს დომინანტის როლს საზღვრისპირა შეიარაღებულ კონფლიქტებში, რომელებიც სავარაუდოდ მომავალშიც შეიძლება წარმოიშვას, განაცხადა ალექსანდრ ზელინმა. რუსეთი, როგორც მთვარსარდლის სიტყვებიდან ჩანს, საფიქრალია, რომ უშუალოდ მიიღებს მასში მონაწილეობას და მზადაა უკარნახოს მოწინააღმდეგეს საკუთარი პირობები. „ახლო მომავლის პერსპექტივაში, არ არის გამორიცხული რუსეთის ჩაბმა საზღვრისპირა შეიარაღებულ კონფლიქტებში. ასეთ შემთხვევებში საჭირო იქნება სხვადასხვა სახის საჯარისო დაჯგუფებების კოორდინირებული გამოყენება, სადაც დომინანტი ავიაცია იქნება, იმისათვის, რომ შეასრულოს დავალებები ჰაერში გაბატონებისათვის, მოახდინოს ჯარების საავიაციო მხარდაჭერა, ასევე საომარი მოქმედებების რაიონების იზოლაცია და აიძულონ მოწინააღმდეგე, რუსეთისთვის მისაღები პირობებით დაზავდნენ", - გენერალ-პოლკოვნიკის ციტირებას ახდენს РИА «Новости".

ზელინმა განსაზღვრა მიზნებიც, რომელიც დაკავშირებულია დსთ-ს სამხედრო-საჰაერო თავდაცვის გაერთიანებული სისტემის აღდგენასთან. ის შეიქმნა 1995 წელს, მაგრამ სინამდვილეში, ყველა ქვეყანა არ მონაწილებობს ერთობლივ ჰაერსაწინააღმდეგო თავდაცვაში.როგორც РИА «Новости» რუსეთის სამხედრო-საჰაერო ძალების მთავარსარდალზე დაყრდნობით აღნიშნავს, თურქმენეთი განუდგა ამ საქმიანობას, საქართველოს კი, თანამეგობრობიდან გასვლამდეც „არცერთხელ არ მიუღია მონაწილეობა ჰაერსაწინააღმდეგო თავდაცვის გაერთიანებული სისტემის მუშაობაში". ამასთანავე, მთავარსარდალმა აღნიშნა, რომ უკრაინასთან, ბელორუსთან, ყაზახეთთან და უზბეკეთთან შემარჩუნებული იყო ინფორმაციის ურთიერთგაცვლა ავტომატიზირებულ რეჟიმში.

ერთი კვირის წინ, ბელორუსთან ხელი მოეწერა ჰაერსაწინააღმდეგო თავდაცვის ერთიანი რეგიონალური სისტემის ცალკეულ შეთანხმებას. ახლა მსგავსი ხელშეკრულებები უნდა დაიდოს თანამეგობრობის სხვა წევრებთანაც.

1
 2 3
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100