RSS
на русском en in english
24.01.2017
არხივი სტატიები
სტატიები

ცხინვალი სააკაშვილს ბრალდებებს წამოუყენებს

26.03.2009  |  15:56

1/4/0/2140.jpegსამხრეთ ოსეთის ხელისუფლება აპირებს, რომ საქართველოს პრეზიდენტ მიხეილ სააკაშვილს გასული წლის აგვისტოში ოსების გენოციდისთვის ბრალდებები წაუყენოს. ამის შესახებ 24 მარტს რესპუბლიკის გენერალურმა პროკურორმა, თეიმურაზ ხუგაევმა განაცხადა.

„2008 წლის აგვისტოს კონფლიქტში საქართველოს აგრესიის შესახებ, სისხლის სამართლის გამოძიების ფარგლებში სამხრეთ ოსეთის გენერალურმა პროკურატურამ უკვე აღიარა დაზარალებულად 3500 ადამიანი, - ხუგაევის ციტირებას ახდენს „იტარ-ტასსი". - ყველა დაზარალებული ერთი სისხლის სამართლის საქმეში გადის, რომელიც რუსეთის ფედერაციის სისხლის სამართლის კოდექსით „გენოციდის" მუხლითაა აღძრული. ამავე სისხლის სამართლის კოდექსის ჩარჩოებში, შესაძლებელია, გასამართლდეს საქართველოს პრეზიდენტი მიხეილ სააკაშვილიც".

თეიმურაზ ხუგაევმა ასევე გაიხსენა, რომ აგვისტოს მოვლენების გამოძიების შედეგების შესახებ თავის დასკვნას ევროკავშირის კომისიაც წარმოადგენს. „მათ რომც არ დაასახელონ კონკრეტული ხელმძღვანელები, ნებისმიერ შემთხვევაში ეს დასკვნები აუცილებელი იქნება სამხრეთ ოსეთის გამოძიებისთვის, რომელიც გენოციდის გაჩაღებაში ერთმნიშვნელოვნად პირადად საქართველოს პრეზიდენტს და რამდენიმე სხვა პერსონას ადანაშაულებს. მათთან დაკავშირებით არის კონკრეტული ბრალდებები".

ხუგაევის სიტყვებით, სამხრეთ ოსეთის გენპროკურატურა მჭიდროდ თანამშრომლობს ჰეიდი ტალიავინის კომისიასთან. ესეიგი, ცხინვალი ავსებს დოკუმენტური მასალით ევროპულ დოსიეს. თვითონაც არ იტყვის უარს საბუთებზე, თუკი ამას შესთავაზებს ევროკავშირის კომისია. სამხრეთ ოსეთის რესპუბლიკის გენ.პროკურორი არ აპირებს მიღწეულით დაკმაყოფილდეს და იმედი აქვს, რომ მომავალში დამნაშავეები სამართლიანად დაისჯებიან.

„საერთოდ, ჩვენი პოზიცია - სამხრეთ ოსეთის მოვლენებთან დაკავშირებით საერთაშორისო ტრიბუნალის შექმნაა. პროცესი, რა თქმა უნდა, ხანგრძლივია და მე ვერ ვიტყვი, იქნება თუ არა ის წარმატებული. მაგრამ ამ მიმართულებით ჩვენ ნებისმიერ შემთხვევაში უნდა ვიმუშაოთ. ადრე თუ გვიან, სააკაშვილი, არა მხოლოდ ოსეთის კანონებით, არამედ საერთაშორისო უფლებების ნორმებით დაისჯება. მე ვფიქრობ, რომ განსაკუთრებული იმედები ჩვენ გვაქვს. თუკი ევროპული კომისია მომხდარ მოვლენებს სწორ შეფასებას მისცემს, მაშინ, ასეთი ტრიბუნალის შექმნის შანსი იქნება".

1
 2 3
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100