ეკლესიის საკურთხეველი პოლიტიკური ტრიბუნა არაა

ილია მეორე აფხაზეთში გამგზავრებას აპირებს. მაგრამ როგორც სოხუმი- აფხაზეთის ეპარქიის მეთაურმა, ბესარიონ აპლიამ განაცხადა, იქ მას არ ელიან. რამდენადაც რუსული მართლმადიდებლური ეკლესია მხარს უჭერს საქართველოს საპატრიარქოს კანონიკურ ერთიანობას, მისი წარმომადგენლები სთხოვენ რუსულ სამღვდელოებას, ხელი შეუწყონ, აფხაზეთის ეპარქიასთან შერიგებას.

საკვირაო ქადაგებაში, სრულიად საქართველოს კათოლიკოს-პატრიარქმა ილია მეორემ გამოხატა სურვილი, რომ ეწვიოს აფხაზეთს, რათა მოაგვაროს აფხაზეთის მონასტრებიდან 7 მონაზვნისა და ბერის გამოდევნის საკითხი. „გამოდევნეს ჩვენი მღვდელმსახურები, მაგრამ ეს დროებითია. რუსეთის ეკლესიასთან ჩვენ გვაქვს მოლაპარაკება, და აფხაზეთიც და ცხინვალიც შედის ჩვენს იურისდიქციაში", - პატრიარქის ციტირებას ახდენს Day.Az. „აფხაზეთიდან გამოაძევეს სასულიერო პირები და მე მინდა, რომ თქვენ ილოცოთ მათთვის. მე მინდა ვანუგეშო ისინი და ვუთხრა, რომ აფხაზეთი საქართველოს განუყოფელი ნაწილია და აფხაზეთი არასოდეს მოშორდება საქართველოს", - ილია მეორის სიტყვებს გადმოსცემს საიტი „ჩვენი აფხაზეთი".

ქართველი მოძღვრის ამ სიტყვებს მტრულად გამოეხმაურა სოხუმი - აფხაზეთის ეპარქიის მღვდელმსახური ბესარიონ აპლია და განაცხადა, რომ ილია მეორის ჩასვლა შეუძლებელია. „ასეთ ვიზიტზე ლაპარაკიც კი არ შეიძლება იყოს. პატრიარქი თავს უფლებას აძლევს, რომ გააკეთოს პოლიტიკური ხასიათის განცხადებები... ეს მორიგი პროვოკაციაა, ჩვენ ის აფხაზეთში არ დაგვიპატიჟებია. საინტერესოა, რა საშუალებებით აპირებს კოდორის ხეობაში მოხვედრას?", - კითხულობს სასულიერო პირი, რომელიც 90-ანი წლების დასაწყისში დიაკვნად ხელდასმული იყო ილია მეორის მიერ.

შეგახსენებთ, მონაზვნები აფხაზეთიდან გამოდევნეს საქართველოს ერთიანობის პროპაგანდისთვის. საეკლესიო ხელისუფლების პოზიცია გასაგებია. „მღვდლებმა განაცხადეს, რომ არ აღიარებენ აფხაზეთის ხელისუფლებას და აფხაზეთის ეკლესიას და რომ ისინი ემორჩილებიან მხოლოდ ქართულ მართლმადიდებლურ ეკლესიას, რომლის წიაღში დაბრუნებაც შევთავაზეთ მათ", - „ინტერფაქსთან" სიტუაციის კომენტარი გააკეთა კოდორის ხეობაში აფხაზეთის პრეზიდენტის წარმომადგენელმა, სერგეი ჯონუამ. მაგრამ მათ გამოდევნას მხარი დაუჭირა ბესარიონ აპლიამ, რომელიც, თუ მის სიტყვებს დავუჯერებთ, თვლის, რომ „მართლმადიდებელი ქრისტიანები ეროვნებით არ იყოფიან, ყველა ჩვენ ქრისტესმიერი ძმები ვართ". მან საქართველოსა და ქართული ეკლესიის ერთიანობის შესახებ განცხადებების გამო მონაზვნები პოლიტიკურ პროვოკაციებში ამხილა. მონაზვნებმა უარი თქვეს, მიეღოთ აფხაზეთის მართლმადიდებლური ეკლესიის წესები, რომელიც არ უღიარებია ქართულ და რუსულ მართლმადიდებლურ ეკლესიებს და მათ ამის გამო აზღვევინეს კიდეც.

რუსეთის მიერ აფხაზეთის დამოუკიდებლობის ცნობის შემდეგ, ადგილობრივი ეკლესიის წარმომადგენლებმა თხოვნით მიმართეს რუსეთის მართლმადიდებლურ ეკლესიას, მიანიჭოს დამოუკიდებელი ადგილი აფხაზეთის ეპარქიას რუსეთის მართლმადიდებლურ ეკლესიაში. მაგრამ მოსკოვის პატრიარქი არ წავიდა კანონიკური საკუთრების საზღვრების ცვლილებაზე. დეკანოზმა ვსევოლოდ ჩაპლინმა 26 აგვისტოს განაცხადა: „პოლიტიკური გადაწყვეტილებები არ განსაზღვრავენ ეკლესიის იურისდიქციისა და სამრევლო პასუხისმგებლობის სფეროების საკითხებს. ეს საკითხები უნდა გადაწყდეს კანონიკურ სიბრტყეში ორ ეკლესიას შორის დიალოგით". რუსეთის მართლმადიდებლური ეკლესიის სინოდმა ოქტომბერში აფხაზეთისა და ოსეთის მართლმადიდებლური ეკლესიის თხოვნა, მიეღოთ ისინი „მისი ანაფორის ქვეშ", უპასუხოდ დატოვა. ახლა ახლადგამომცხვარი სახელმწიფოების მორწმუნეები საქართველოს საპატრიარქოს სულიერ საზრდოს მოკლებულნი არიან. ამასთანვე, სამხრეთ ოსეთში მართლმადიდებლებს ჭეშმარიტების გზაზე აყენებენ თითქმის სექტანტები - საეკლესიო პირები, რომლებსაც არ აქვთ ევქარისტიული კავშირი მსოფლიო მართლმადიდებლურ მეძველსტილე „მოწინააღმდეგეთა სინოდის" ჭეშმარიტად მართლმადიდებლურ საბერძნეთის ეკლესიასთან. აფხაზეთში, აპლიას პარალელურად, მსახურობენ ახალგაზრდა მღვდლები, რომლებიც ხელდასხმულები არიან რუსეთის მართლმადიდებლური ეკლესიის მაიკოპის ეპარქიის მიერ და მისი დასის წევრები არიან, იუწყება ბლაგოვესტ-ინფო. ამასთანავე მოსკოვის საპატრიარქო ოფიციალურად აგრძელებს აფხაზეთისა და სამხრეთ ოსეთის აღიარებას საქართველოს მართლმადიდებლური ეკლესიის კანონიკურ ტერიტორიაში, თავისი მღვდლების იქ მსახურებას კი დროებითს უწოდებს.

რუსეთის მართლმადიდებლური ეკლესიის პოზიციას ილია მეორე საპასუხო ნეიტრალიტეტით პასუხობს. გასულ წელს მან უარი თქვა, მონაწილეობა მიეღო რუსეთის გაქრისტიანების 1020 წლისთავთან დაკავშირებით კიევის დღესასწაულში, რომელსაც პოლიტიკური საფუძველი ჰქონდა, რის შესახებაც წერდა „ნეზავისიმაია გაზეტა".

ახლა საქართველოს პატრიარქს აფხაზეთში ვიზიტის ორგანიზებაში რუსეთის ეკლესიის იმედი აქვს. როგორც რუსულ გაზეთ „კომერსანტს" ზუგდიდის მიტროპოლიტმა გერასიმემ ამცნო, „ქართული მხარე ამ საკითხში შუამავლობისთვის მოლაპარაკებებს აწარმოებს რუსეთის მართლმადიდებლური ეკლესიის ხელმძღვანელობასთან და იმედი აქვს, რომ რუსეთის მართლმადიდებლური ეკლესიის პოზიცია ხელს შეუწყობს ვიზიტს". გამოცემის ინფორმაციით, ეს საკითხი გასული წლის დეკემბერში ილია მეორისა და დიმიტრი მედვედევის შეხვედრის დროსაც წამოიჭრა.

ამასთან ერთად, რუსეთის მართლმადიდებლურ ეკლესიაში აფხაზი და ქართველი მღვდლების ურთიერთდამოკიდებულებაზე კომენტარის გაკეთება არ სურთ. მაგრამ როგორც „კომერსანტს" ანონიმურმა წყარომ ამცნო, რუსულ მართლმადიდებლურ ეკლესიას ნამდვილდ შეუძლია ქართველ და აფხაზ სამღვდელოებას შორის სამშვიდობო როლის შესრულება.

კოდი დღიური

  Print version