სამხრეთ ოსეთის საარჩევნო კომისიამ გამოაქვეყნა, იმ პარტიათა დეპუტატების კანდიდატების საბოლოო სია, რომლებიც მონაწილეობას მიიღებენ 2009 წლის 31 მაისის საპარლამენტო არჩევნებში. ორი ოპოზიციური პარტიის გარშემო ვნებათაღელვა არ ცხრება.

სამხრეთ ოსეთის ოთხი პარტიიდან, ორის პირველი სამეული კითხვებს არ ბადებს. რესპუბლიკური პარტიის "ედინსტვა"-ს სიას სათავეში მისი თავმჯდომარე ზურაბ კოკოევი უდგას, მას მოსდევს სამხრეთ ოსეთის სახელმწიფო უნივერსიტეტის ინგლისური ენის კათედრის ხელმძღვანელი მირა ცხოვრებოვა. სიით მესამე პროფესიონალი სამხედრო, მეოთხე მოწვევის პარლამენტის წევრი ინალ ბაზაევი. კომუნისტების სამეულს არჩევნებზე წარმოადგენს: თავმჯდომარე სტანისლავ კოჩიევი, სამხრეთ ოსეთის მთავარი არქივის სამმართველოს უფროსის მოადგილე სერგეი ლიპინი და გიორგი სანაკოევი - ახლანდელი პარლამენტის სპიკერის მრჩეველი.

სხვა ორი ოპოზიციური პარტია კი, არჩევნებზე სკანდალით მიდის. სახალხო პარტიის სიის სათავეში, ახალი თავმჯდომარე კაზიმირ პლიევია, დეპუტატი გენადი ჩოჩიევი და სახელმწიფო უსაფრთხოების კომიტეტის თანამშრომელი სერგეი ხარებოვი. ამ დროს პარტიის ყოფილი თავმჯდომარე როლანდ ქელეხსოვი ცდილობს არჩევნებში მონაწილეობის უფლება დაიცვას, საკუთარი პარტიის სიით.

ცოტა უფრო ადრე სამხრეთ ოსეთის იუსტიციის სამინისტრომ დაარეგისტრირა "ნაროდნაია პარტია" პლიევის ხელმძღვანელობით, რომელიც ყრილობაზე წინა თავმჯდომარის გარეშე იქნა არჩეული. როგორც საინფორმაციო სააგენტო Regnum-ი გვატყობინებს, უმაღლესმა სასამართლომ უარი თქვა ქელეხსოვის საჩივრის მიღებაზე ცენტრალური საარჩევნო კომიისიისა და იუსტიციის სამინისტროს წინააღმდეგ, მიზეზად მოსარჩელის არ ყოფნა დასახელდა. პოლიტიკოსი ჩრდილოეთ ოსეთში იმყოფება და მისი სიტყვებით ის ცხინვალში დაბრუნებას მისი მისამართით გაჟღერებული მუქარის გამო ვერ ახერხებს. ქელეხსაევი აპირებს "რუსეთის სასამართლოებში უჩივლოს იმ რუსეთის მოქალაქეებს, რომლებიც უკანონობას სჩადიან სამხრეთ ოსეთში". "ეს ჩვენი უფლებაა, ვინაიდან სამხრეთ ოსეთის მოქალაქეობის გარდა, სუყველა რუსეთის ფედერაციის მოქალაქეც არის და ნებისმიერმა რუსეთის მოქალაქემ, რომელიც კანონს არღვევს, პასუხი უნდა აგოს".- განაცხადა მან და დაამატა, რომ თუ საჭირო გახდება სტრასბურგის სასამართლოშიც იჩივლებს.

სამხრეთ ოსეთის რესპუბლიკის სოციალისტური პარტია "ფრიდიბასტა"-სთან დაკავშირებითაც კაზუსი მოხდა. პარტიის პირველ ნომრად არა პარტიის თვამჯდომარე ვიაჩესლავ გაბოზოვია, არამედ მისი ძმა, სახელმწიფო უნივერსიტეტის ლექტორი სტანისლავ გაბოზოვი. მეორე და მესამე სიაში, უმუშევარი ალან ტეხოევი და სამხრეთ ოსეთის რესპუბლიკის საადვოკატო პალატის პრეზიდენტი ანატოლი ხუგაევია. სიაში სულ 10 ადამიანია - როგორც ჩანს 34 კაციან პარლამენტში, მეტი წარმომადგენლის ყოლის იმედი პარტიად არ აქვს.

"ფრიდიბასტა"-ს ლიდერს ცენტრალურ საარჩევნო კომისიაში რეგისტრაციაზე უარი უთხრეს, ერთ ადგილზე ცხოვრების ცენზის გამო. თავად ვიაჩესლავ გაბოზოვი ამ გადაწყვეტილებას უსამართლოდ თვლის, ვინაიდან მას აქვს მუდმივი ჩაწერა რესპუბლიკის ტერიტორიაზე 2000 წლიდან, თუმცა შ.ს.ს-მ საარჩევნო კომისიას მისი ჩაწერის ცნობა მხოლოდ 2005 წლიდან მიაწოდა. გაბოზოვი აცხადებს, რომ სახალხო პარტიასთან სკანდალის შემდეგ, "ფრიდიბასტა" ერთადერთი პოლიტიკური ძალა აღმოჩნდა, რომელიც რესპუბლიკაში კარდინალური ცვლილებების მომხრეა. შეგახსენებთ, რომ მოქმედი პარლამენტის მოწვევის არჩევნებზე, პარტია არ დაუშვეს. "ახლა ალბათ გადაწყვიტეს, რომ არჩევნებიდან მთელი პარტიის მეორედ მოხსნა დიდ სკანდალს გამოიწვევს. ამიტომაც გადაწყვიტეს მაქსიმალურად დაასუსტონ პარტია და მისი ლიდერის კანდიდატურა მოხსნეს".- განუმარტა პოლიტიკოსმა საინფორმაციო სააგენტო Regnum-ს. მისი სიტყვები ცენტრალური საარჩევნო კომისიის ქმდებები ადვილი გამოსაცნობი იყო, ამიტომაც მეორე ნომრად პარტიის სიაში სტანისლავ გაბოზოვი ჩაწერეს, ამომრჩევლებისათვის ისევე მნიშვნელოვანი გვარით და ხელისუფლებისათვის უნაკლო რეპუტაციით.

ამასობაში რუსულმა გაზეთმა "კომერსანტი" სამხრეთ ოსეთის მთავრობაში საკუთარ წყაროზე დაყრდნობით განაცხადა, რომ ვიაჩესლავ გაბოზოვს პრობლემები იმის გამო შეექმნა, რომ მან უარი განაცხადა სიაში პრეზიდენტ ედუარდ კოკოითის კანდიდატურები ჩაერთო. სოციალისტური პარტიის ლიდერმა კატეგორიულად უარყო ეს ვერსია:"არანაირი მოლაპარაკება რესპუბლიკის ხელმძღვანელობასთან არ ყოფილა და არც შეიძლებოდა ყოფილიყო. თანაც მე არასოდეს არ მიმიცია იმის საბაბი, რომ მათ კონსტრუქციული ოპოზიცია, "ჯიბის" ოპოზიციად ჩაეთვალათ". "ფრიდიბასტა"-ს მთავარი თეზისები გაბოზოვმა, კონკურენთებთან ერთად გამართულ ამსწინანდელ პრეს-კონფერენციაზე დაასახელა, წინა საარჩევნო რბოლისას. მისი სიტყვებით, ახალმა პარლამენტმა უნდა იბრძოლოს უფლებამოსილებების სახელისუფლებო სამ შტოზე გადანაწილებისათვის, საკანონმდებლო ხელისუფლების გაძლიერების ხარჯზე.

თავის მხრივ "ედინსტვა"-ს ლიდერმა ზურაბ კოკოევმა განაცხადა, რომ მთელი გასული წლების განმავლობაში სახელისუფლებო პარტიის მთავარი ამოცანა, სამხრეთ ოსეთის დამოუკიდებლად ცნობის მიღწევა იყო. "ახლა ჩვენმა რესპუბლიკამ უნდა გააგრძელოს საკუთარი მომავლის შენება და გაამყაროს საკუთარი სახელმწიფოებრიობა და აქ ხედავს ჩვენი პარტია თავის მეორე ამოცანას, სახელმწიფოებრიობის ჩამოყალიბება და ხალხისთვის დხმარების გაწევა".- განაცხადა მან. კომუნისტური პარტიის თავმჯდომარე სტანისლავ კოჩიევს, ყველაზე მნიშვნელოვნად მიაჩნია, რომ საკანონმდებლო ორგანო ხალხის ინტერესებს გამოხატავდეს. "პარლამენტი არ უნდა გახდეს სხვადასხვა ჯურის ავნტიურისტების თავშესაფარი. პარლამენტი უნდა გახდეს არა მარტო საკანონმდებლო არამედ წარმომადგენლობითი ხელისუფლებაც, ახლად არჩეულმა პარლამენტმა უნდა დაიბრუნოს ხალხიოს ნდობა",- განუცხადა კოჩიევმა ჟურნალისტებს. სახალხო პარტიის ლიდერი კაზიმიერ პლიევი, მოკლე განცხადებით შემოიფარგლა:"მთავარია ხალხთან იყო. დანარჩენს დრო გვიჩვენებს". საკუთარი პოლიტიკური პარტიის პროგრამის გამოქვეყნება მან ხახლს უახლოეს მომავალში აღუთქვა.

წინ »

კოდი დღიური