RSS
на русском en in english
18.01.2017
არხივი ინთერვიუ
არხივი სტატიები
აზრები

ქართული დემოკრატიის სასაზღვრე ბარიერები

17.11.2009  |  10:45

4583.jpegქართული ხელისუფლება იმის დემონსტრაციას ახდენს, რომ "სურს" დაალაგოს რუსეთთა ურთიერთობები სახალხო დიპლომატიის გზით. ქვეყანაში შესვლა აუკრძალეს მარინა გუსევას და ალექსანდრე ველიგონენკოს, ისტორიულ-ლიტერატურული პრემიის ორგანიზატორებს. მათ მიჰქონდათ წიგნი მთავარსარდალი ბაგრატიონის შესახებ და აპირებდნენ მონაწილეობის მიღებას საქართველოს ხალხის მსოფლიოს კონგრესის ფილიალის პრეზენტაციაშია. ჩვენი კორესპონდენტი გაესაუბრა მარინა გუსევას (ფოტოზე).

თბილისის აეროპორტში 13 ნოემბრის დილას ყველაფერი უცბად და მოულოდნელად მოხდა. მარინა გუსევა და ალექსანდრე ველიგონენკო ჩამოვიდნენ "სომხური ავიახაზების" თვითმფრინავიდან და დაიწყეს ანკეტების შევსება, რათა მიეღოთ ვიზები, მაგრამ მათთან მივიდა საბაჟოს თანამშრომელი, გამოართვა დოკუმენტები და წავიდა.

"ორმოცი წუთის შემდეგ ჩვენ უკვე უკან მივფრინავდით ერევანში",- ამბობს მარინა გუსევა. სომხეთის აერპორტამდე რუსები ქართველმა პოლიციელმა გააცილა. მათი პასპორტების მას ხელში ეჭირა და მხოლოდ ერევანში ჩასვლის შემდეგ გადასცა, სწორედ იქ დატოვა მეთვალყურემ გამოგდებული რუსები და ისინი საკმაოდ უხერხულ მდგომარეობაში აღმოჩნდნენ.

გაირკვა, რომ მათ მხოლოდ მეორე დღის ბილეთები ჰქონდათ მოსკოვში გასაფრენად. ბარგი კინაღამ დაკარგეს, რადგანაც საქართველოდან წამოღება ვერ მოასწრეს. "ჩვენ დიდ მადლობას ვუხდით "სომხურ ავიახაზებს" დახმარებისთვის",- აცხადებს ჩვენი თანამოსაუბრე.

ყველაზე საინტერესო ის არის, რომ "ერევანში დეპორტაციის აქტში" არ იყო მითითებული რუსების გამოგდების მიზეზი. ვერც იმას ვიტყვით, რომ გუსევამ ოდესმე გააკეთა საქართველოს საწინააღმდეგი პოლიტიკური განცხადება. არც აფხაზეთში და სამხრეთ ოსეთში იყვნენ ნამყოფი, ამიტომაც ამ რესპუბლიკის მონახულებისთვის ვერ დასჯიდნენ.

საქართველოში, ქობულეთში, მარინა გუსევა ჯერ კიდევ საბჭოთა წლებში იყო.

"მე საერთოდ ძალიან მიყვარს საქართველო. იქ ჩასვლამდე ძალიან ბევრს ვკითხულობდი მის შესახებ. მე ხომ ალექსნადრე ნევსკის ისტორიულ-ლიტერატურული ორგანიზაციული კომიტეტის ხელმძღვანელი ვარ. როდესაც გავიგეთ, რომ თავის სამშობლოში ებრალიძე აარსებს დავით აღმაშენებლის პრემიას, მისი დახმარება მოვისურვეთ",- განმარტა მან.

სწორედ ამიტომ მიჰქონდათ მათ წიგნ ბაგრატიონის შესახებ. ისინი ამ რუსული წიგნის ქართულ ენაზე გადათარგმნას აპირებდნენ. წიგნი ახლახან გამოიცა ალექსანდრე ებრალიძის ინიციატივით.

"მე მას პირადად ვიცნობ. ის არის ისტორიკოსი და ადამიანი, რომელსაც ძალიან ძლიერად სურს საქართველოსა და რუსეთის კულტურული დაახლოვება",- თქვა გუსაევამ.

ალექსნადრე ნევსკის პრემიის მეორე დამაარსებელ არის რუსეთის მწერალთა კავშირის, რომელსაც სათავეში უდგას ისტორიულ მეცნიერებათა დოქტორი ვალერი განიჩოვი. ორგანიზატორები ატარებენ ისტორიული ნაწარმოებებისა და სამუზეუმო მემორიალური პროექტების კონკურსს.

ალექსნადრე ნევსკის პრემიაზე პრეტენდენტობის გამოცხადება შეუძლიათ 1945 წლის შემდეგ დაწერილი ისტორიულ-ლიტერატურული ნაშრომების ავტორებს. ასე რომ ორგანიზატორები ცდილობენ არ შეეხონ პოლიტიკას. მოკლედ, საქართველოს ახლანდელი ხელისუფლება სამასწლიანი სიძველის მოვლენების პოლიტიზირებასაც ახერხებს, როდესაც ამტკიცებს, რომ რუსეთის იმპერიამ საქართველოს ხელისუფლება ჯერ კიდევ გეორგიევსკის ტრაქტატის ხელმოწერის შემდეგ დაიწყო.

თავად მარინა გუსაევა უფრო სარწმუნოდ თვლის ვარაუდს, რომ ის და მისი კოლეგა საქართველოში ებრალიძს გამო არ შეუშვეს, მით უმეტეს, რომ კონგრესის ოფისის პრეზენტაციაზე არ დაუშვეს არც კონგრესის რუსული ფილიალის დირექტორი ალექსნადრე კინტერაია.

თბილისში ის ავსტრიიდან ჩაფრინდა, მაგრამ 12 ნოემბრის ღამით ის უკან დააბრუნეს.

"როგორც ყოველთვის არავინ დაასახელა ამის მიზეზი. სინამდვილეში კი ყველაფერი მარტივია: კინტერაიას ვიზიტი თბილისში არის საქართველოში ალექსანდრე ებრალიძის ვიზიტის მზადების ბოლო ეტაპი",- განაცხადა კონგრესის პრეს-სამსახურმა.

ჩვებ უკვე დავწერეთ იმის შესახებ, რომ ებრალიძე ცდილობს მიიღოს საქართველოს მოქალაქეობა და ოცნებობს ქვეყნის პრეზიდენტის სტატუსით დაიბრუნოს აფხაზეთი და სამხრეთ ოსეთი.

როგორც ჩანს, საქართველოში მისი ამბიციური გეგმების ეშინიათ.

როგორც განუცხადეს რუსულ გაზეთ "კომერსანტს" საქართველოს სასაზღვრო პოლიციაში, "კინტერაიას, გუსევას და ველიგონენკოს იმიტომ არ მისცეს ვიზები, რომ მათ მიერ მითითებული მიზანი არ შეესაბამებოდა იმ ღონისძიების არსს, სადაც ისინი მონაწილეობის მიღებას აპირებდნენ".

მმართველი პარტიის ერთ-ერთმა ლიდერმა ეკა ხერხეულიძემ კი ივარაუდა, რომ "ეს სუბიექტები ცდილობდნენ საქართველოში შემოღწევას, რათა განეხორციელებინათ ებრალიძის ანტიქართული გეგმები".

როგორი სუსტი უნდა იყოს საქართველოს სახელმწიფო სისტემა, თუკი მას ლიტერატორები და ისტორიკოსები საფრთხეს უქმნიან? სხვათა შორის, ხელისუფლებას მარტო მათი შეშვების როდი ეშინია. ახლახან ქვეყანაში შესვლა აუკრძალეს რუს ჟურნალისტებს - ვლადიმერ მამონტოვს და მაქსიმ შევჩენკოს.

ასეთია საქართველოში ნაქები "სიტყვის თავისუფლება" და ასეთია ხელისუფლების მიერ კონტროლირებადი სამოქალაქო საზოგადოება, სადაც ყვავის ამერიკელი სპეკულანტის ჯორჯ სოროსის მიერ დაფინანსებული ორგანიზაციები, მაგრამ პირველივე ნაბიჯებში პრობლემები ექმნება რუსი ბიზნესმენის მიერ გახსნილ ორგანიზაციას.

მოკლედ, საქართველოში მაინც გაკეთდა კონგრესის განყოფილება ნანა ჯაფარიძის ხელმძღვანელობით და მართალია ჯერჯერობით ებრალიძეს ვერ გადაუწყვეტია საქართველოში ჩამოსვლა, ის მაინც მიესალმა პრეზენტაციის მონაწილეებს ვიდეოჩართვით და მათ უახლოეს მომავალში თბილისის მონახულებას დაპირდა.

 

სალომე ბატიანი

კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100