RSS
на русском en in english
24.10.2017
არხივი ინთერვიუ
არხივი სტატიები
აზრები

სასამართლოსთვის გადაცემა ქართული სპეცსამსახურების შესახებ ატეხილი სკანდალის გამო

18.11.2009  |  09:27

4595.jpegპოლონეთში მზადდები პროცესი ქართული სპეცსამსახურების წარუმატებელი პროვოკაციის შესახებ ინფორმაციის გაჟონვაში ეჭვმიტანილი პირისა. საუბარია ლეხ კაჩინსკისა და მიხეილ სააკაშვილის მისამართით ცეცხლის გახსნის ინსცენირებაზე,რომელიც გასული წლის ნოემბერში უნდა მომხდარიყო სამხრეთ ოსეთის საზღვართან ახლოს. პროკურატურა თვლის, რომ მასმედიას საიდუმლო ინფორმაცია გადასცა პოლონეთის პრეზიდენტის ადმინისტრაციის ყოფილმა ხელმძღვანელმა პეტრე კოვნაცკიმ (ფოტოზე).

კოვნაცკი გაათავისუფლეს სამსახურიდან ივლისში მას შემდეგ, რაც თავს უფლება მისცა გაეკრიტიკებინა პრეზიდენტის სახელმწიფოს ქაოტურად მართვის გამო.

გადადგომამდე ცოტა ხნით ადრე მან გაზეთ Dziennik-ს განუცხადა, რომ მას შეფის მიმართ ბევრი პრეტენზია აქვს. "მე ფუნდამენტურად არ ვეთანხმები ლეხ კაჩინსკის პრაქტიკას, რაც გულისხმობს ყოველგვარი გეგმის გარეშე მოქმედებას",- თქვა მან. პრესამ ასეთი თავნებობა საკმარის მიზეზად ჩათვალა გათავისუფლებისთვის. თავიდან პრეზიდენტის ადმინისტრაცია შეეცადა კოვნაცკის სიტყვები ხუმრობად წარმოეჩინა, მაგრამ ბოლოს მაინც მისი პოსტიდან ჩამოშორება გადაწყვიტეს.

26 ნოემბერს კი მას, ეჭვმიტანილის სტატუსით, იძახებენ პროკურატურაში დაკითხვაზე. კოვნაცკის სურთ გამოიყვანონ "განტევების ვაცი" იმ სულელურ სიტუაციაში, რომელშიც გასულ წელს აღმოჩნდა ლეხ კაჩინსკი თავის მეგობარ მიხეილ სააკაშვილთან ერთად. პრეზიდენტები გამეგზავრნენ ვოიაჟში სამხრეთ ოსეთის საზღვრებთან, სადაც მოყვნენ სროლაში, რომელსაც კაჩინსკიზე "თავდასხმა" დაარქვეს.

პოლონეთის ლიდერმა განაცხადა, რომ გაიგო ავტომატის ხმა თავისგან 30 მეტრში. მან გამოთქვა აღშფოთება და მოუწოდა ევროკავშირს "იმპერიალიზმის შეჩერებისკენ".

მაგრამ ოსებსა და მესაზღვრე რუსების დისკრედიტაციის აქცია ჩაშალა პოლონეთის სპეცსამსახურების რაპორტმა. მათ ამხილეს თავიანთი ქართველი კოლეგები პროვოკაციაში.

ამონარიდები შინაგანი უსაფრთხოების სააგენტოს დოკუმენტიდან მეორე დღესვე გავრცელდა პრესაში.

დასკვნები იმაზე მეტყველებს, რომ სროლის ორგანიზება ქართულმა მხარემ მოახდონა. პირველ რიგში, სროლების პირველ სერიაზე ქართულ დაცვას საერთოდ არ მოუხდენია რეაგირება. პერსონა, რომლის წინააღმდეგაც ვითომ მზადდებოდა თავდასხმა, არც კი დააწვინეს მიწაზე უმაღლესი დაცვის წესების საწინააღმდეგოდ.

პოლონეთის პრეზიდენტის დაცვა ადრევე დააყენეს კორტეჟის ბოლოს, ასე რომ ისინი საერთოდაც ვერ ხედავდნენ კაჩინსკის. პოლონელებმა, რაპორტის მიხედვით, არც იცოდნენ, რომ უნდა ჩასულიყვნენ ახალგორშიც, რადგანაც ეს პუნქტი პროგრამაში მოგვიანებით ჩაიწერა.

საქართველოს პრეზიდენტი მიხეილ სააკაშვილი, რომელსაც ჟურნალისტებმა სურათები გადაუღეს სროლისას, იყო "მოდუნებული და იღიმოდა".

რაპორტში აღნიშნულია ის ფაქტიც, რომ უშუალოდ ინციდენტამდე, ქართული მხარს ბლოკ-პოსტის მხრიდან გაატარეს ჟურნალისტებით სავსე ავტობუსი, რათა მათ გადაეღოთ "თავდასხმა".

სამხრეთ ოსეთმა მაშინ დაადასტურა, რომ მისი სამხედროები ცდილობდნენ კორტეჟის შეჩერებას, მაგრამ მხოლოდ ჰაერში გასროლის მეშვეობით. "სააკაშვილმაც მშვენივრად იცის ეს და იმიტომაც არის მშვიდად",- აღნიშნა რესპუბლიკის პრეზიდენტმა ედუარდ კოკოითიმ. მან დაამატა, რომ სააკაშვილს რომ შეშინებოდა, "მაშინვე გაიქცეოდა, როგორც ეს ერთხელ უკვე გააკეთა აგვისტოში ჟურნალისტების თანდასწრებით".

ამ გამოქვეყნებულმა პუბლიკაციამ ფარდა ახადა ქართული სპეცსამსახურების "მუშაობას". ამის შემდეგ შეიძლება არც შეგვეპაროს ეჭვი იმაში, რომ სამხრეთ ოსეთისა და აფხაზეთის საზღვრებთან მომხდარი აფეთქებების ნახევარი მაინც საქართველოს სპეცსამსახურების მიერ არის დაგეგმილი.

თუმცა პოლონეთში ზემოთ ხსენებულმა რაპორტმა ხელისუფლების რისხვა გამოიწვია. პრეზიდენტის ძმამ იაროსლავ კაჩინსკიმ, რომელიც სათავეში უდგას პარტიას "სამართალი და სამართლიანობა", მას "პოლიტიკური" უწოდა. მან განაცხადა, რომ ერთ დღე-ღამეში ასეთი მოხსენება "არსაიდან" ვერ გაჩნდებოდა. ამას გარდა, მან მოითხოვა, რომ ბრონისლავ კომოროვსკი ჩამოეშორებინათ სეიმას სპიკერის პოსტიდან, რადგანაც მან კომენტარი გააკეთა ინციდენტის თაობაზე.

"თავდასხმის მეთოდი შეესაბამება ვიზიტის მიზანს. ბრმა უნდა იყო, რომ 30 მეტრიდან ააცილო",- მხოლოდ ეს თქვა დეპუტატმა.

კომოროვსკიმ შეინარჩუნა თავისი ადგილი. რაპორტის თაობაზე კი პროკურატურამ საქმე წამოიწყო, რომელიც ახლა დასასრულს უახლოვდება. ალბათ, კოვნაცკის თავიდან მოშორება ჯერ კიდევ რამდნეიმე თვის წინ გადაწყვიტეს, მისი ხუმრობით ნათქვამი სიტყვები "ქაოსის შესახებ", რომელსაც ლეხ კაჩინსკი ქმნის, კი უბრალოდ ხელსაყრელი მიზეზი აღმოჩნდა.

საინფორმაციო სააგენტოები ვერ ამბობენ, თუ რა მუხლებით ედება ბრალი კოვნაცკის. მას რომც გადაეცა ინფორმაცია გაზეთისთვის, ეს არ არის სამშობლოს ინტერესების გაცემა. სტატიაში ამხილეს საქართველოს და არა პოლონეთის ხელისუფლების ბინძური მეთოდები.

მოკლედ, ლეხ კაჩინსკი უკვე დიდი ხანია მიიჩნევს საქართველოს ინტერესებს თავისად. შემთხვევით არ მომხდარა, რომ აგვისტოს ომის დროს მიდ მიერ კონტროლირებადი მასმედია ერიდებოდა ცხინვალის ტრაგედიის მასშტაბები ჩვენებას და სხვა ევროპულ და ამერიკულ მასმედიასთან ერთად მხოლო "რუსულ აგრესიაზე" საუბრობდა.

ქართულ ომში კაჩინკსის როლზე კი გაზეთმა Dziennik მთელი გამოძიება გამოაქვეყნა. მასში მოთხრობილია, რომ კაჩინსკი არწმუნებდა ჩეხეთს გამოსულიყო საქართველოს სუვერენიტეტის დაცვის წინადადებით. ასევე ნახსენები იყო, თუ როგორ არწმუნებდა ის სააკაშვილს არ მოეწერა ხელი მედვედევი-სარკოზის გეგმაზე ტერიტორიული მთლიანობის პუნქტის გარეშე.

მაგრამ ქართველმა ლიდერმა არ ისურვა მისი მოსმენა, მიხეილ სააკაშვილს რუსუილ ტანკების თბილისზე წამოსვლის და საკუთარი პოსტიდან გადაგდების შიში ჰქონდა. როგორც ჩანს, კაჩინსკის უფრო ადარდებდა ქართველთა ბედი, ვიდრე სააკაშვილს. ასე რომ კოვნაცკის მოუწევს პასუხის გაცემა "ქართული ინტერესების" ღალატისთვის.

 

სალომე ბატიანი

კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100