RSS
на русском en in english
26.07.2017
არხივი ინთერვიუ
არხივი სტატიები
აზრები

გადაარჩენს თუ არა მშვიდობას კავკასიაში თანამგზავრული მონიტორინგი?

18.11.2009  |  09:30

4596.jpegთანამგზავრების მეშვეობით, ევროპელების მეთვალყურეობის ქვეშ აღმოჩნდება აფხაზეთი და სამხრეთ ოსეთი. ამ რესპუბლიკებში, ევროკავშირის დამკვირვებლების ამგვარიმა "ალტერნატიულმა დასწრებამ", თითქოს და მათი მისიის ეფექტურობა უნდა გააუმჯობესოს, რომელიც ამჟამად საქართველოს საზღვრისპირა ტერიტორიებზე მუშაობს. სოხუმსა და ცხინვალში ამასთან დაკავშირებით უკმაყოფილებას არ მალავენ. GeorgiaTimes-ის კორესპონდენტს, საკუთარი შეხედულებები თანამგზავრული მონიტორინგის პრობლემასთან დაკავშირებით რუსმა და ევროპელმა ექსპერტებმა გაუზიარეს.

სამხრეთ ოსეთისა და აფხაზეთის თანამგზავრული კონტროლის გადაწყვეტილება, თავიანთი წარმომადგენლების საქართველოში ვიზიტის შემდეგ მიიღეს ევროპელებმა. გასულ კვირას, თბილისი ევროკავშირის 27-მა ელჩმა მოინახულა. ეს ორგანიზაცია, რომელიც ახდენს საქართველოს ტერიტორიული მთლიანობის დეკლარირებას, არაერთხელ მოითხოვდა საკუთარი დამკვირვებლების დასწრებას აფხაზეთსა და სამხრეთ ოსეთში.

მოსკოვი საპასუხოდ, რეგულარულად ახსენებს ევროკავშირს - აგვისტოს მოვლენების შემდეგ, რეგიონში შექმნილი ახალი რეალიების შესახებ და ვერ ხედავს "ცისფერი ბერეტების" დამოუკიდებელ სახელმწიფოებში დასწრების აუცილებლობას. სოხუმიცა და ცხინვალიც კატეგორიულად ეწინააღმდეგებიან თავიანთ ტერიტორიებზე დამკვირვებლების შეშვებას, რომლებიც მათ ქართულ რეგიონებად აღიქვამენ.

მაგრამ, ევროპელებმა გარკვეული ალეტრნატივა იპოვნეს - გადაწყვიტეს თანამგზავრული მეთვალყურეობა აწარმოონ რესპუბლიკებზე. მისიის ხელმძღვანელი ჰანს-იორგ ხაბერი აღნიშნავს, რომ კოსმოსური დაზვერვა, ვერ იქნება აფხაზეთსა და სამხრეთ ოსეთში დამკვირვებლების დასწრების სრულფასოვანი შეცვლა. თანამგზავრულ ფოტოებს ხომ, "არ შეუძლიათ იმის სრული სურათის მოცემა, თუ რა ხდება მიწაზე". მაგრამ ეს უკეთესია, ვიდრე არაფერი. "ჩვენ შევძლებთ დოკუმენტურად დავაფიქსიროთ ჯარების ნებისმიერი მსხვილმასშტაბიანი გადაადგილება ან სამშენებლო სამუშაოები".- განაცხადა ხაბერმა.

თბილისში, ეს იდეა აღფრთოვანებით მიიღეს. იქ "კოსმოსურ" გამარჯვებას ზეიმობენ. საქართველოს პარლამენტის ვიც-სპიკერმა, როგორც "როსბალტი" იტყობინება, აღნიშნა:" ეს ძალიან მნიშვნელოვანი ღონისძიებაა, ვინაიდა რუსეთმა, რომელმაც აიღო ვალდებულება საოკუპაციო ჯარების გაყვანის შესახებ, არ შეასრულა პირობა". ასევე მისი თქმით, რუსეთმა არ შეასრულა აფხაზეთსა და სამხრეთ ოსეთში, ევროკავშირის დამკვირვებლების დაშვების შესახებ შეთანხმება.

რეინტეგრაციის მინისტრმა თემურ იაკობაშვილმა განაცხადა, რომ თანამაგზავრული დაზვერვა, რეგიონში საგანგებო შემთხვევების რაოდენობის შემცირეაბს გამოიწვევს. "საქარველოს ოკუპირებულ ტერიტორიებზე ადამიანების გატაცების, რკინიგზის ლიანდაგების და მაღალი ძაბვის გადამცემი ხაზების აფეთქების გახშირებული შემთხვევები და სხვა სახის ინციდენტები შემცირდება".- იაკობაშვილის ციტირებას ახდენს Gzt.Ru. როგორც, აღნიშნავს გამოცემა "ვრემია ნოვოსტეი", საქართველოს ხელისუფლებაში წყაროზე დაყრდნობით, ევროკავშირმა თანამგზავრის გამოყენების წინადადება, რამოდენიმე თვის წინ დააყენა.

ევროკავშირის მიერ მიღებულ გადაწყვეტილებას, ორი ახალგაზრდა რესპუბლიკის ნეგატიური რეაქცია მოჰყვა. როგორც აფხაზეთის საგარეო საქმეთა მინისტრი სერგეი შამბა აზრით, ევროკავშირმა განიზრახა თვალთავალი განახორცილოს რუსეთის სამხდრო კონტიგენტის გადაადგილებაზე და ამით მათ "კონფლიქტი ქართულ-აფხაზური და ქართულ-ოსური ურთიერთობების განხრიდან, საქართველო-რუსეთის უთანხმოების დონეზე გადაჰყავთ".

სოხუმი, არ მალავს საკუთარ უნდობლობას ევროპელების ინოვაციისადმი. როგორც იტყობინება "კავკაზსკი უზელ", სერგეი შამბამ ისინი, სამხრეთ-კავკასიური პრობლემებისადმი ანგაჟირებულ მიდგომაში ამხილა:" როდესაც საქართველომ, არაერთხელ წამოიწყო ომი აფხაზეთისა და სამხრეთ ოსეთის წინააღმდეგ, რატომღაც არც ევროკავშირი და არც სხვა რომელიმე ორგანიზაცია, არ ცდილობდა კოსომოსიდან მეთვალყურეობა გაეწიათ, საქართველოს ჯარების გადაადგილებისათვის".

სამხრეთ ოსეთის სახელმწიფო უსაფრთხოების კომიტეტის ხელმძღვანელმა ბორის ჩოჩიევმა, თავის მხრივ განაცხადა: "ევროკავშირი მხოლოდ საუბრობს დემოკრატიაზე, საქმეზე კი სამხრეთ ოსეთზე თვალთვალს გეგმავს. დაე უყურონ, როგორ აღვადგენთ შარშან ქართული აგრესიის შედეგად დანგრეულ სახლებს. ეს განცხადებები კი, მხოლოდ და მხოლოდ აქეზებენ საქართველოს ხელისუფლებას, რომელსაც ჯერ კიდევ არ უთქვამს უარი, შესაძლო სამხდრო მოქმედებებზე".

რუსეთის ხელისუფლების მხრიდან, ამ ფაქტს ჯერჯერობით ოფიციალური კომენტარი არ მოჰყოლია. უნდა ვივარაუდოთ, რომ თუ კი, გამოთქმული იქნება უკმაყოფილება ევროკავშირის ინიციატივისადმი, კონფრონტაციამდე საქმე მაინც არ მივა. სწორედ ევროპელმა ექსპერტებმა დასვეს წერტილი, შარშანდელი აგვისტო მოვლენების გამოძიების შესახებ მოხსენებაში და საქართველო აღიარეს, საომარი მოქმედებების წამომწყებ ქვეყანად.

GeorgiaTimes-ის კორესპონდენტი შეეცადა გარკვეულიყო: ხომ არ არის მოსალოდნელი, რუსეთსა და ევროკავშირს შორის თანამგზავრული სკანდალი და როგორი იქნება თავად კავკასიის მომავალი - მშვიდობიანი თუ არც ისე.

დსთ-ს ქვეყნების ინსტიტუტის, კავკასიის განყოფილების ხელმძღვანელი ფელიქს სტანევსკი, რომელიც ადრე რუსეთის ელჩი იყო საქართველოში, აღნიშნავს, რომ ის სრულიად ეთანხმება შამბას აზრს: აფხაზეთში ეს თანამგზავრები, ვერ აღმოაჩენენ ვერაფერს, რაც დაადასტურებდა ომისათვის მზადებას. თანამოსაუბრე შეგვახსენებს, რომ მთელი ამ დროის განმავლობაში, სწორედ საქართველო ესხმოდა თავს, ხან სამხრეთ ოსეთს და ხან აფხაზეთს და არა პირიქით. აფხაზეთსა და სამხრეთ ოსეთს მშვიდობიანი გეგმები აქვთ - მათ სტაბილური სახელმწიფოთაშორისი ურთიერთობები სურთ. ხოლო საქართველოს მხრიდან, კი აშკარად რევანშისტული განწყობილებები შეიმჩნევა.

1
 2
კოდი დღიური
Add: memori.ru vaau.ru news2.ru myweb2.search.yahoo.com slashdot.org technorati.com Magnolia Livejournal Reddit Google
Permanent link:
Рейтинг@Mail.ru
Rambler's Top100